Eżempji taʼ Preżentazzjonijiet

Biex Tibda Studji tal-​Bibbja fl-​Ewwel Sibt taʼ Frar

“In-​nies li nkellmu għandhom opinjonijiet differenti dwar il-​Bibbja. Xi wħud jemmnu li hi l-​Kelma t’Alla, filwaqt li oħrajn iqisuha bħala ktieb ordinarju. Int kif tħossok dwar il-​Bibbja?” Agħti ċans għal tweġiba. Uri l-​aħħar paġna tat-​Torri tal-​Għassa tal-​1 taʼ Frar, u flimkien ikkunsidraw il-​materjal taħt l-​ewwel mistoqsija u minn tal-​inqas waħda mill-​iskritturi ċitati. Offri r-​rivisti, u ftiehem biex tmur lura ħalli tiddiskutu l-​mistoqsija li jmiss.

It-​Torri tal-​Għassa 1 taʼ Frar

“Il-​biċċa l-​kbira min-​nies jixtiequ jaraw tmiem għall-​gwerer. Taħseb li l-​paċi dinjija hi mira realistika? [Agħti ċans għal tweġiba.] Innota xi twiegħed il-​Bibbja. [Aqra Salm 46:9.] Taʼ interess, ġrajjiet li seħħew matul u wara l-​Ewwel Gwerra Dinjija jaċċertawna li Alla dalwaqt se jwettaq din il-​profezija u jtemm il-​gwerer għal dejjem. Din ir-​rivista tispjega iktar.”

Stenbaħ! Frar

“Qed inżuru lin-​nies biex niddiskutu problema komuni. Donnu li qatt ma jkollna biżżejjed ħin biex inlaħħqu maʼ kollox. Taħseb li l-​iskedi tagħna huma mimlijin għax għandna wisq x’nagħmlu jew għax naħlu ħafna mill-​ħin tagħna? [Agħti ċans għal tweġiba.] Ħafna ma jafux li l-​Bibbja tagħti pariri prattiċi biex jgħinuna nimmaniġġaw il-​ħin sew. Dan hu eżempju minnhom. [Aqra Filippin 1:10a.] Din ir-​rivista tenfasizza erbaʼ passi li għenu lil bosta nies biex jużaw il-​ħin tagħhom b’mod iktar għaqli.”