Qed Tibbenefika Int mill-Ktejjeb Neżaminaw l-Iskrittura Kuljum?

Tinkludi r-​rutina spiritwali tiegħek li taqra l-​vers mill-​Bibbja u l-​kummenti għall-​ġurnata mill-​ktejjeb Neżaminaw l-​Iskrittura Kuljum? Jekk le, tistaʼ tagħmel dan parti mir-​rutina tiegħek? Ħafna jaqraw il-​vers fil-​bidu tal-​ġurnata. Imbagħad ikunu jistgħu jimmeditaw dwar dan waqt li jagħmlu l-​attivitajiet taʼ kuljum. (Ġoż 1:8; Sa 119:97) Kif tistaʼ tibbenefika iktar mill-​vers tal-​Iskrittura? Aqra l-​kuntest tal-​Bibbja biex tkun taf l-​istorja. Ipprova aħseb f’rakkont tal-​Bibbja li juri l-​prinċipju li hu enfasizzat fil-​vers. Imbagħad applika l-​prinċipju f’ħajtek stess. Meta l-​Kelma t’Alla taffettwalek id-​deċiżjonijiet tiegħek, se tidderiġilek ħajtek u tkun taʼ benefiċċju kbir għalik.—Sa 119:105.

Il-​familji taʼ Betel madwar id-​dinja jikkunsidraw Neżaminaw l-​Iskrittura Kuljum filgħodu. Fi snin reċenti, ħafna minn dawn id-​diskussjonijiet tpoġġew fuq JW Broadcasting taħt il-​kategorija PROGRAMMI U AVVENIMENTI. Meta kien l-​aħħar li rajt wieħed jew iktar minnhom? Forsi ftit mill-​materjal ikun eżatt dak li jkollok bżonn. Pereżempju, kif jistaʼ r-​rakkont taʼ Lot jaffettwa d-​deċiżjonijiet tiegħek?

ARA L-​VIDJOW TĦOBBUX ID-​DINJA (1ĠW 2:15), U MBAGĦAD WIEĠEB IL-​MISTOQSIJIET LI ĠEJJIN:

• Liema prinċipji tal-​Bibbja kienet ibbażata fuqhom din id-​diskussjoni tal-​Qima taʼ Filgħodu?

• Ir-​rakkont taʼ Lot kif juri l-​periklu taʼ li tħobb id-​dinja jew l-​affarijiet fiha?—Ġen 13:12; 14:12; 19:3, 12, 13, 24-​26

• Kif nuru li nħobbu lil Ġeħova u mhux id-​dinja jew l-​affarijiet fiha?