Nuru Mħabba Billi Nappoġġjaw id-Dixxiplina taʼ Ġeħova

Il-​qtugħ mis-​sħubija jipproteġi lill-​kongregazzjoni u jiddixxiplina lil dawk li jiżbaljaw u ma jindmux. (1Ko 5:6, 11) Meta nappoġġjaw din it-​tip taʼ dixxiplina mingħand Ġeħova, aħna nkunu qed nuru mħabba. Dan kif jistaʼ jkun meta l-​qtugħ mis-​sħubija jġib uġigħ emozzjonali lil tal-​familja u  lill-​kumitat ġudizzjali?

L-​iktar importanti, aħna nuru mħabba għar-​ reputazzjoni taʼ Ġeħova u għal-​livell taʼ qdusija tiegħu. (1Pt 1:14-​16) Barra minn hekk, aħna nuru mħabba għall-​persuna li tiġi maqtugħa mis-​sħubija. Dixxiplina iebsa, għalkemm iġġib uġigħ, tistaʼ twassal għal “frott li jġib il-​paċi.” (Eb 12:5, 6, 11) Jekk nagħmluha maʼ xi ħadd maqtugħ mis-​sħubija jew li qataʼ lilu nnifsu mis-​sħubija, aħna ma nkunux qed ngħinu fid-​dixxiplina taʼ Ġeħova. Tinsiex, Ġeħova jiddixxiplina lin-​nies tiegħu ‘kemm ikun jistħoqqilhom.’ (Ġer 30:11) Hekk kif inkomplu nappoġġjaw id-​dixxiplina taʼ Ġeħova u nżommu r-​rutina spiritwali, aħna nibqgħu nittamaw li l-​persuna tiġi lura lejn Missierna kollu ħniena.—Is 1:16-18; 55:7.

ARA L-​VIDJOW ŻOMM IL-​LEALTÀ B’QALB SĦIĦA, U MBAGĦAD WIEĠEB IL-​MISTOQSIJIET LI ĠEJJIN:

• 

  Xi wġigħ iħossu l-​ġenituri Kristjani meta xi ħadd mit-​tfal jitlaq lil Ġeħova?

• 

  L-​aħwa fil-​kongregazzjoni kif jistgħu jgħinu lill-​membri tal-​familja leali?

• 

  Liema rakkont fil-​Bibbja jgħallimna li l-​lealtà lejn Ġeħova hi iktar importanti mil-​lealtà lejn il-​familja tagħna?

• 

  Kif inġibu l-​lealtà lejn Ġeħova qabel il-​lealtà lejn il-​familja?