Lest Int Biex Tapplika għall-Iskola għall-Evanġelizzaturi tas-Saltna?

Int għandek bejn it-​23 u l-​65 sena u qiegħed fis-​servizz full-​time? Għandek saħħa tajba u tistaʼ taqdi fejn hemm iktar bżonn? Jekk weġibt iva għal dawn il-​mistoqsijiet, ikkunsidrajt biex tapplika għall-​Iskola għall-​Evanġelizzaturi tas-​Saltna? Sa mill-​ewwel klassi applikaw eluf taʼ koppji miżżewġin u aħwa rġiel u nisa single. Però, għandna bżonn li japplikaw iżjed aħwa rġiel single. Itlob lil Ġeħova biex tkun tixtieq togħġbu iktar u  biex timita lil Ibnu. (Sa 40:8; Mt 20:28; Eb 10:7) Imbagħad ikkunsidra b’liema modi tistaʼ tnaqqas ix-​xogħol jew ir-​responsabbiltajiet personali biex tikkwalifika.

Dawk li attendew din l-​iskola, b’liema modi u fejn setgħu jaqdu? Xi aħwa ntbagħtu f’postijiet fejn jitkellmu b’lingwi oħra jew biex jagħtu xhieda speċjali lill-​pubbliku fi bliet kbar. Oħrajn aktar tard qdew bħala indokraturi li jżuru l-​kongregazzjonijiet, bħala sostituti għalihom, jew bħala missjunarji. Waqt li taħseb fuq dak li tistaʼ tagħmel fis-​servizz tiegħek lil Ġeħova, jalla jkollok l-​attitudni tal-​profeta Isaija, li qal: “Hawn jien! Ibgħat lili.”—Is 6:8.

ARA L-​VIDJOW Il-​MISSJUNARJI—ĦADDIEMA TAL-​ĦSAD, U MBAGĦAD WIEĠEB IL-​MISTOQSIJIET LI ĠEJJIN:

• 

  Il-​missjunarji kif jiġu magħżulin?

• 

  Il-​missjunarji liema xogħol tajjeb qegħdin jagħmlu?

• 

  X’inhuma xi barkiet tal-​missjunarji?