Iż-​Żwieġ—Wegħda għal Ħajtek Kollha

Żwiġijiet Kristjani li jirnexxu u li jonoraw lil Ġeħova jferrħu lir-​raġel u lill-​mara. (Mk 10:9) Biex ikollok żwieġ li jġib il-​ferħ u li jdum, il-​Kristjani jridu jużaw il-​prinċipji tal-​Bibbja biex jagħżlu sieħeb jew sieħba.

Tibdiex toħroġ maʼ xi ħadd qabel tkun għaddejt mill-​“fjur taż-​żgħożija,” żmien meta xewqat sesswali qawwijin jistgħu jagħmluhielek diffiċli biex tieħu deċiżjonijiet għaqlin. (1Ko 7:36) Uża ż-​żmien meta int single bil-​għaqal biex issaħħaħ il-​ħbiberija tiegħek m’Alla u biex tiżviluppa kwalitajiet Kristjani. Imbagħad, se tkun f’pożizzjoni bil-​wisq aħjar biex ikollok suċċess fiż-​żwieġ.

Qabel tagħti l-​kelma biex tiżżewweġ, ħu ż-​żmien li għandek bżonn biex issir taf il-​“persuna minn ġewwa.” (1Pt 3:4) Jekk jibda jkollok dubji serji, iddiskutihom maʼ dak li se tiżżewweġ. Bħal f’kull relazzjoni oħra, fiż-​żwieġ trid tiffoka iktar fuq dak li tistaʼ tagħti milli fuq dak li tistaʼ tieħu. (Flp 2:3, 4) Jekk tapplika l-​prinċipji tal-​Bibbja qabel ma tiżżewweġ, se jkun eħfef għalik li tkompli tagħmel dan wara li tiżżewweġ biex ikollok żwieġ ferħan.

ARA L-​VIDJOW NIPPREPARAW GĦAŻ-​ŻWIEĠ—IT-​3 PARTI: “IKKALKULA L-​ISPEJJEŻ,” U MBAGĦAD WIEĠEB IL-​MISTOQSIJIET LI ĠEJJIN:

• Ir-​relazzjoni tal-​oħt maʼ Shaun kif kompliet?

• Xi nnotat meta saret tafu aħjar?

• Il-​ġenituri tagħha kif għenuha, u liema deċiżjoni għaqlija ħadet?