Punti Biex Jgħinuk Taqra l-Bibbja Kuljum

Ġieli ssibha diffiċli biex taqra l-Bibbja kuljum peress li jkollok ħafna x’tagħmel? (Ġoż. 1:8) Jekk iva, prova wieħed minn dawn is-suġġerimenti:

• Agħmel reminder. Issettja l-mowbajl biex idoqqlok f’ċertu ħin ħalli jfakkrek biex tagħmel il-qari tal-Bibbja.

• Poġġi l-Bibbja f’post fejn taraha. Jekk tippreferi taqra l-Bibbja minn kopja stampata, poġġiha f’post fejn ikun faċli taraha.—Dewt. 11:18.

• Ismaʼ l-Bibbja bl-awdjo. F’ċertu lingwi l-Bibbja hi disponibbli bl-awdjo, b’hekk tkun tistaʼ tismagħha int u tagħmel l-affarijiet taʼ kuljum. Oħt pijuniera u omm li taħdem xogħol taʼ billejl jisimha Tara, qalet, “Li nismaʼ l-Bibbja jien u nagħmel il-faċendi tad-dar jgħinni biex ma naqbiżx ġurnata milli naqra l-Bibbja.”

• Tiqafx tipprova taqra l-Bibbja kuljum. Jekk jiġri xi ħaġa u ma tkunx tistaʼ taqra l-Bibbja fil-ħin li pjanajt, aqra mqar ftit versi qabel ma tidħol torqod. Anki jekk taqra ftit versi kuljum se tibbenefika ħafna.—1 Pt. 2:2.