Ġesù Se Jeqred il-Kriminalità

Ġesù jaf x’jiġifieri li tbati minħabba l-kriminalità u l-inġustizzja. Hu ġie akkużat b’mod falz, imsawwat b’mod illegali, għadda minn ġuri inġust, gidbu u qalu li hu ħati, u ġie maqtul b’mewta taʼ wġigħ. Għalkemm kien innoċenti, Ġesù minn qalbu kien lest li ‘jagħti ħajtu bħala fidwa għal ħafna.’ (Mattew 20:28; Ġwanni 15:13) Peress li issa hu r-Re tas-Saltna t’Alla, dalwaqt se jġib ġustizzja mad-dinja kollha u jeqred il-kriminalità darba għal dejjem.—Isaija 42:3.

Il-Bibbja turi kif se tkun id-dinja meta Ġesù jagħmel dan:

• “Il-ħżiena jispiċċaw; int tħares fejn kienu, imma ma jkunux hemm. Imma l-umli se jirtu l-art, u se jħossuhom ferħanin ħafna bil-paċi kbira li se jkollhom.”—Salm 37:10, 11.

Kif nistgħu nuru li napprezzaw dak kollu li Ġesù għamel għalina u li se jagħmel dalwaqt? Mod wieħed hu billi titgħallem iktar dwar dak li pprietka dwaru Ġesù, jiġifieri “l-aħbar tajba tas-Saltna t’Alla.” (Luqa 4:43) Aqra l-artiklu “X’Inhi s-Saltna t’Alla?”