“Alla Hu Mħabba”

1. Alla jħobb, jistieden lilna,

‘Triqti imxu fiha llum.’

Jekk inħobbu ’l Alla w ’l għajrna,

B’atti sbieħ nimlewh il-jum.

F’dan jinsab il-mod kif ngħixu;

F’dan jinsab il-ver’ għajxien.

Din l-imħabba bħal taʼ Kristu

Ma tħallina fl-ebda żmien.

2. Lilna lkoll imħabbtu tqanqal;

Biex inħobbu tgħinna wkoll.

Meta naqgħu żgur li jgħinna;

B’ħiltu aħna nqumu lkoll.

Din l-imħabba mhix għajjura;

Tħenn, tistabar, pura hi.

Jalla nħobbu ’l ħutna iżjed.

Naħsdu l-frott li tagħti din.

3. La tħallix ir-rabja taħkmek;

U ċċedix għal li trid hi.

Dur lejn Alla ħa jmexxik hu;

Dejjem jgħallmek id-digriet.

Ħobb lil Alla w ħobb lil għajrek,

Sħiħa trid l-imħabba tkun.

Jalla nuru ’l għajrna mħabba

Bħal dik t’Alla lkoll kuljum.