Ivyewo kwe Wano Wakuzanwako

UKUSUNKANA UKUYIWELE

UMULIMO WA PA BETHEL Wakawizya awa batizwe wano wali ni myaka 35 nu kucepako wano wakulonda ukuwomba pa Bethel wangayipekanya ukuzanwa ku kusunkana kuno kuliwako umusanya uwanda wakutalicilapo. Waliwilizya impindi ni cifulo kuno kuliwela ukusunkana.

ISUKULU LYA KAWIZYA WA WUFUMU Wapainiya wano wali ni myaka pakasi ke 23 ukufika ku 65 wano wakalonda ukulundulula umulimo wawo wakwitwa ku kusunkana kwe wano wakulonda ukuzanwa kwi Sukulu Lya Kawizya wa Wufumu pa wanda waciti tatu umusanya. Waliwilizya impindi ni cifulo kuno kuliwela ukusunkana.

IVYEWO KWE WANO WAKUZANWAKO

WAKAPYUNGA Wakapyunga wawelako ku kumwavwa. Tukumilenga ukuti mwawivwila nga wakumilanjizya ukwakwimika wamotoka, awakusunjila apakwikala, umulyango wakuwonvya pakwinjila nanti ukufuma mu cipaka, nape vinji.

ULUBATIZYO Wano waliya mu kubatizwa waliyikala pa vilimba vino waliwapekanizizya kunkolelo kano nga kwiza kwawa ukupiluka. Wafwile ukwikala lyankani pano ilyasi lya lubatizyo litani litalike pa wanda waciti wili umutondo tondo. Cila muntu azipizile ukwiza ni tawulo lyakwe nga ni vizwalo iviyanane pa kubatizwa.

IMISANGULO Tukawonvya indalama imvule pakuti kuwe apakwikala apazima, iviwombelo vya ma vidyo na vinji vino vikatwavwa ukuyitopwa ko-o ukulongana nu kutwavwa ukupalamila kwe Yehova. Imisangulo yinu iyakuyikundila ayino yikatwavwa ukulipila vyonsinye vyo-o swinya yikatunjilila nu Mulimo Wansi yonsi. Kuli utumbokosi tuno walenvilepo umwakusumbila imisangulo watuwisile monsinye mu milyango. Tukasalifya sana pa misangulo yinu yonsinye yino mukapa. Ni Wumba Lino Likatungulula nalyonye likumisalifya nkaninye pe vyo mukatunjilila ivya Wufumu.

FIRST AID Mukwai mwakwizuka ukuti yawelako kukwavwa vye wano WALWALA MUKUPUMICIZYA.

VINO VIKUSOWA Vyonsinye vino twasola tufwile ukutwala ku Dipatimenti ye Vino Vikusowa. Nga mwasovya icili consinye mufwile ukuya kwe yo-o dipatimenti nu kuyalola vino musovizye. Awana wano wasovile ku wakwasi wawo mungawatwala kwe yo-o dipatimenti. Lelo yo-o e dipatimenti itawelako ku kusunjila awana. Mukwayi mwawika amano ku wana winu swinya mwakwikala nawo.

APAKWIKALA Mukwai mwalangulucilako wanji. Mwakwizuka ukuti wano mufwile ukusunjila vye apakwikala awalupwa lwinu, wano mukupita nawo mwe motoka, wano mukakwikala nawo pang’anda, nanti wano mukasambilila nawo e Baibolo. Mukwai mutawika iviya pa vilimba pano musakwikala.

UMULIMO WAKUYIKUNDILA Nga mukulonda ukuwombako umulimo pa kulongana kwa citungu, mukwai mungaya kwi ofesi lya Mulimo Wakuyikundila.