Kwe Wano Wakuzanwako

UKUSUNKANA KUYIWELE

ISUKULU LYA KAWIZYA WA WUFUMU Wapainiya wano wali ni myaka pakasi ke 23 ukufika ku 65 wano wakalonda ukulundulula umulimo wawo wakwitwa mu kusunkana kwe wano wakulonda ukuzanwa kwi Sukulu lya Kawizya wa Wufumu pa wanda wa citi tatu umutondo tondo. Waliwilizya impindi ni cifulo kuno kuliwela ukusunkana.

KWE WANO WAKUZANWAKO

WAKAPYUNGA Wakapyunga wawelako ku kumyavwa. Acino tukumilenga ukuti mwawivwila nga wa kumilanjizya ukwa kwimilika wa motoka, awakusunjila apakwikala nanti ukwakwinjilila nu kwa kufumila, na pe vinji.

ULUBATIZYO Wano waliya mu kubatizwa waliyikala pa vilimba vino waliwapekanizizya pa nkolelo kano nga kwiza kwawa ukupiluka. Wafwile ukwikalila lyankani pano ilyasi lya lubatizyo litani litalike pa wanda wa citi wili umutondo tondo. Cila muntu azipizile ukwiza ni tawulo lyakwe nga ni vizwalo iviyanane pa kubatizwa.

IMISANGULO Tukawomvya indalama imvule pa kuti kuwe apakwikala apazima, iviwombelo na mavidyo na vinji vino vikatwavwa ukuyitopwa ko-o ukulongana nu kutwavwa ukupalamila kwe Yehova. Imisangulo yinu iya kuyikundila ayino yikatwavwa ukulipila vyonsinye vyo-o swinya yikatunjilila nu Mulimo Wansi yonsi. Kuli utumbokosi tuno walemvilepo umwakusumbila imisangulo watuwisile mu ncende izipusane pusane. Tukasalifya sana pa misangulo yinu yonsinye yino mukapa. Iwumba Lino Likatungulula nalyonye likumisalifya nkaninye pe vyo mukatunjilila ivya Wufumu.

FIRST AID Mukwai mwakwizuka ukuti yawelako kukwavwa vye wano WALWALA MUKUPUMICIZYA.

VINO VIKUSOWA Vyonsinye vino twasola tufwile ukutwala ku Dipatimenti ye Vino Vikusowa. Nga mwasovya icili consinye mufwile ukuya kwe yo-o dipatimenti nu kuyalola vino musovizye. Awana wano wasovile ku wakwasi wawo mungawatwala kwe yo-o dipatimenti. Lelo yo-o e dipatimenti asayakusunjilako awana. Mukwai mwawika amano ku wana winu swinya mwakwikala nawo.

APAKWIKALA Mukwai mwalangulucilako wanji. Mwakwizuka ukuti wano mufwile ukusunjila vye apakwikala awalupwa lwinu, wano mukupita nawo mwe motoka, wano mukakwikala nawo pang’anda nanti wano mukasambilizya Baibolo. Mukwai mutawika iviya pa vilimba pano musakwikala.

UMULIMO WA KUYIKUNDILA Nga mukulonda ukuwombako umulimo pa kulongana kwa citungu, mukwai mungaya kwi ofesi lya Mulimo wa Kuyikundila.