Mwalanda pa Mpindi Injanane

Vino Filipi Wacisile

VIDYO: E Filipi Akuwizizya Umonsi Umwina Ethiopia

1. Tambani e VIDYO, nanti wazyani Imilimo 8:30, 31. Apano mwasuke amawuzyo yano yakonkapo:

1. Uzye e Filipi watalisile wuli ukulanzyanya nu mwina Ethiopia?

2. Amulandu ci wuno yo-o yawezile anzila injanane iyakutalika ukulanzyanya na we-e umonsi nu kumwavwa ukwivwicisya vino wawazyanga?

Avyani Vino Tukusambililako kwe Filipi?

2. Nga cakuti tukunenako awantu ivya mu Baibolo pa mpindi injanane, ciliwawapepucila ukwivwa kwe vino tukulanda.

Mwakolanya Filipi

3. Mwawika amano kwe wino mukulanda nawe. Vino umuntu akuloleka pa minso na vino akuwomvya umuwili, vingalenga tumanye ivivule pe weliwe. Nga mwalola ukuti angatemwa ukuti mulanzyanye nawe, mungatalika ukulanzyanya ivya mu Baibolo ukupitila mu kumukolowozya ukuti, “Uzye mwamanya kuno. . . ?” Lelo mutapaticizya ukulanzyanya nu muntu wino asakulonda.

4 Muwatekanya. Mutalola ukuti muzipizile ukutalika ukulanda pa vya mu Baibolo papo na papo. Mwalindilila nu kutalika ukulanzyanya pa mpindi inzima pa kuti mulanzyanye icete. Mpindi zimwi, co-o cingapinda nu kulindilila mpaka umuku wunji pano muliya mulanzyanye nawe.

5. Mwayikundila ukupiluka. Mpindi zimwi wino mukulanzyanya nawe angatalika ukulanda pi lyasi linji lino mutakwenecela. Acino mwayikundila ukumunenako vimwi vino vingamufika pa mwezo nanti acakuti asa vino temupekinye.