Segundo ña̱ Samuel

 3 Nda̱a̱ táki̱ʼva íyo iin yu̱u̱ káʼnu saá íyo Ndióxi̱ miíi̱ ta ndáara yi̱ʼi̱.

Ndáara yi̱ʼi̱,* ndakúníra ta sáka̱kura yi̱ʼi̱,*

íyora nda̱a̱ táki̱ʼva íyo nu̱ú kivi koose̱ʼíi̱ ta kǒo nda̱a̱ ni iin ña̱ kundoʼi̱,

 4 Yi̱ʼi̱ kánai̱ Jehová ta̱ xíniñúʼu ndukáʼnu,

ta ka̱kuvai̱ nu̱ú na̱ sáa̱-ini xíni yi̱ʼi̱.

 5 Íyoi̱ nda̱a̱ táki̱ʼva íyo na̱ ndíkaa̱ nu̱ú ndeéní kánindaa ti̱kui̱í ta nda̱a̱ yatin kuvii̱;

na̱ ta̱a na̱ ndi̱va̱ʼaní-ini na̱ íyo nda̱a̱ táki̱ʼva íyo yu̱ta tá xa̱ʼnuní, xi̱sayíʼvinína yi̱ʼi̱.

 6 Nda̱a̱ táki̱ʼva ni̱xi̱yo ta̱ núʼni xíʼin yoʼo̱ ña̱ xáʼní* saá ni̱xi̱yoi̱;

ña̱ xáʼní na̱ yiví chi̱núuña trampa nu̱úi̱ ña̱ va̱ʼa ndakavai̱ ndaʼa̱ña.

 7 Ka̱nai̱ Jehová tá ndíʼi̱ní-inii̱,

nda̱kundeíi̱ ka̱nai̱ Ndióxi̱ miíi̱.

Nda̱a̱ templo nu̱ú íyora xi̱niso̱ʼora tu̱ʼi̱n,

ta xi̱niso̱ʼora ña̱ ndeéní xi̱kanai̱ra ña̱ va̱ʼa chindeétáʼanra xíʼi̱n.

 8 Ñuʼú yóʼo ki̱xáʼa kísiña ta kánda̱ña;

chí nu̱ú kíxáʼa xa̱ʼa̱ ndiví ni̱ka̱nda̱ña

ta ki̱siníña saáchi ta̱ ni̱sa̱a̱ kúú ta̱kán.

 9 Chí si̱ti̱nra xi̱kana yi̱ʼma̱

ta chí yuʼúra xi̱kee ñuʼu̱ ña̱ ndeéní xíxi̱;

ta nu̱úra xi̱kee ti̱ka̱yi̱ ña̱ xíxi̱.

10 Ndiví nda̱kuxítíña nu̱úra tá va̱xinuura,

ta ti̱xin xa̱ʼa̱ra ni̱xi̱yoní vi̱kó ndáá.

12 Tasaá, nda̱a̱ táki̱ʼva ni̱xi̱yo iin veʼe loʼo saá ni̱xi̱yo ña̱ i̱xava̱ʼara xíʼin ña̱ naa,

xíʼin vi̱kó ña̱ naa ña̱ ndíso sa̱vi̱ i̱xava̱ʼaraña ña̱ va̱ʼa ndakasira miíra.

14 Tasaá ndeéní sa̱níʼi Jehová chí ndiví;

Ndióxi̱ ta̱ káʼnuní ta̱xira ña̱ ná kuniso̱ʼona tu̱ʼunra.

15 Xa̱tara flecha ta ni̱ta̱ni̱na* ku̱a̱ʼa̱nna;

sa̱kóyotura taxa ta va̱ása níkunda̱a̱ka-inina ndáaña keʼéna.

16 Xi̱kutaʼa ti̱kui̱í ta nda̱tuvi ndiʼi ti̱xin tá mar;

nda̱tuvi ndiʼi nu̱ú kíxáʼa xa̱ʼa̱ ñuʼú xa̱ʼa̱ ña̱ ndeéní ni̱nda̱ʼyi̱ Jehová,

xa̱ʼa̱ ña̱ ndeéní ti̱vi si̱ti̱nra.

17 Nda̱a̱ nu̱ú súkun nu̱ú íyora sa̱káa̱ra ndaʼa̱ra;

ti̱inra yi̱ʼi̱ ta ta̱vára yi̱ʼi̱ ini ti̱kui̱í tá kúnúní.

18 Sa̱kǎkura yi̱ʼi̱ nu̱ú na̱ ndakúní na̱ kánitáʼan xíʼi̱n,

nu̱ú na̱ sáa̱-ini xíni yi̱ʼi̱, na̱ ndakúníka nu̱úi̱.

19 Mií ki̱vi̱ ña̱ ndo̱ʼi̱ tu̱ndóʼo kúú ña̱ ka̱nitáʼanna xíʼi̱n,

soo Jehová kúú ta̱ chi̱ndeétáʼan xíʼi̱n.

20 Ni̱xa̱ʼa̱nra nda̱kara yi̱ʼi̱ nu̱ú kǒo ña̱ kivi kundoʼi̱;*

sa̱kǎkura yi̱ʼi̱ saáchi xi̱kusi̱í-inira xíʼi̱n.

21 Nda̱a̱ táki̱ʼva íyo mií ña̱ nda̱kú ña̱ kéʼíi̱, saá íyo ña̱ va̱ʼa ña̱ táxi Jehová ndaʼíi̱;

táxira ña̱ va̱ʼa ndaʼíi̱ xa̱ʼa̱ ña̱ kǒo kéʼíi̱ ña̱ʼa ña̱ va̱ása va̱ʼa.

22 Saáchi ndíku̱nvai̱ yichi̱ Jehová

ta ta̱ʼán sandákoi̱ Ndióxi̱ miíi̱, saáchi iin ña̱ va̱ása va̱ʼa koo ña̱yóʼo.

23 Ñúʼuva-inii̱ xa̱ʼa̱ ndiʼi leyra;

ta nda̱kúní kundiku̱i̱n ndiʼi chiñu ña̱ xáʼndara.

24 Chikai̱ ndee̱ ña̱ viíní koo ña̱ keʼíi̱ nu̱úra,

kundai̱ miíi̱ ña̱ kǒo keʼíi̱ nda̱a̱ ni iin ña̱ va̱ása va̱ʼa.

25 Nda̱a̱ táki̱ʼva íyo ña̱ nda̱kú ña̱ kéʼíi̱, saá ná koo ña̱ va̱ʼa ña̱ taxi Jehová ndaʼíi̱,

ta ná taxituraña ndaʼíi̱ xa̱ʼa̱ ña̱ kǒo ku̱a̱chi kíʼvii̱ nu̱úra.

26 Na̱ nda̱kú-ini, nda̱kú íyo iniún xíʼinna;

na̱ kǒo ku̱a̱chi kúúmií, va̱ása sandákondaʼúnna;

27 na̱ viíní íyo ña̱ kéʼé, viíní koo ña̱ keʼún xíʼinna,

soo na̱ sándaʼvi va̱ása taxiún ña̱ sandáʼvina yóʼó.*

28 Saáchi sáka̱kún na̱ vitá-ini,

soo tá xítoún na̱ ni̱nu kúni va̱ása kíndo̱o-iniún xíʼinna ta sákukaʼún nu̱úna.

29 Saáchi miíún kúú ñuʼu̱* ña̱ túu̱n nu̱úi̱, Jehová.

Mií Jehová kúú ta̱ túun ñuʼu̱ nu̱úi̱ nu̱ú naa.

30 Xa̱ʼa̱ ña̱ chíndeétáʼún xíʼi̱n, kivi kanitáʼi̱n xíʼin iin tiʼvi na̱ kui̱ʼná;

xíʼin ndee̱ ña̱ táxi Ndióxi̱ ndaʼíi̱ kivi ndai̱ iin nama̱.

31 Va̱ʼaní yichi̱ Ndióxi̱ ta̱ nda̱a̱;

tu̱ʼun Jehová ni loʼo kǒo ña̱ yaku̱a̱ kúúmiíña.

33 Ndióxi̱ ta̱ nda̱a̱ íyora nda̱a̱ táki̱ʼva íyo iin nu̱ú kútu̱ní nu̱ú kivi koose̱ʼíi̱,

ta taxira ña̱ viíní koo yichi̱ nu̱ú ku̱ʼi̱n.

34 Táxira ña̱ ná koo xa̱ʼíi̱ nda̱a̱ táki̱ʼva íyo xa̱ʼa̱ yusu;

ta va̱ása táxira ndakavai̱ nu̱ú ta̱tiní.

35 Sánáʼa̱ra yi̱ʼi̱ ndáa ki̱ʼva ku̱ʼi̱n nu̱ú ku̱a̱chi;

ndaʼíi̱ kivi sandéeña iin kuxu̱n* tú cobre.

36 Yóʼó táxiún escudo ña̱ kúúmiíún ndaʼíi̱ ña̱ va̱ʼa ka̱kui̱,

ta xa̱ʼa̱ ña̱ va̱ása ni̱nu kúniún táxiún ña̱ kundayáʼvii̱.

37 Ndásandíka̱ún yichi̱ nu̱ú ku̱a̱ʼi̱n;

va̱ása ka̱a̱* xa̱ʼíi̱ ta ndakavai̱.

38 Kataxíi̱n na̱ sáa̱-ini xíni yi̱ʼi̱ ta sandíʼi-xa̱ʼíi̱na;

va̱ása ndikói̱ nda̱a̱ ná sandíʼi-xa̱ʼíi̱na.

39 Satúkue̱ʼi̱na nda̱a̱ ná kǒo kivi ndako̱okana;

ku̱a̱ñi̱ndosói̱na* ta sandíʼi-xa̱ʼíi̱na.

40 Yóʼó taxiún ndee̱ ndaʼíi̱ ña̱ va̱ʼa kanitáʼi̱n xíʼinna;

chindeétáʼún xíʼi̱n ña̱ kuchiñui̱ kanitáʼi̱n xíʼin na̱ sáa̱-ini xíni yi̱ʼi̱.

41 Chindeétáʼún xíʼi̱n ta na̱ sáa̱-ini xíni yi̱ʼi̱ kununa nu̱úi̱;

sandíʼi-xa̱ʼíi̱ na̱ sáa̱-ini xíni yi̱ʼi̱.

42 Na̱kán kánana na̱ chindeétáʼan xíʼinna, soo kǒo nda̱a̱ ni iin na̱ sakǎku miína;

nda̱a̱ kánana Jehová soo va̱ása ndákuiinra yuʼúna.

43 Ndi̱ʼi̱-va̱ʼa ndikoi̱na nda̱a̱ ná kindo̱ona nda̱a̱ táki̱ʼva íyo yáká* ña̱ ndóo nu̱ú ñuʼú;

ndikoi̱na ta ku̱a̱ñi̱i̱na nda̱a̱ táki̱ʼva kéʼéna xíʼin nda̱ʼyi̱ ña̱ ndóo chí calle.

Kundaún yi̱ʼi̱ ña̱ va̱ʼa xa̱i̱ kuniʼii̱ yichi̱ nu̱ú ñuu náʼnu;

iin ñuu ña̱ va̱ása xíni̱i̱ xa̱a̱ña kachíñuña nu̱úi̱.

45 Na̱ kee inka ñuu kañuuna* miína kixina nu̱úi̱;

kandíxana ña̱ ka̱ʼi̱n tá ná kuniso̱ʼona xa̱ʼíi̱.

46 Na̱ kee inka ñuu va̱ása ndakúka koo inina;

iin kisini̱nuna kixina nu̱úi̱ tá ná keena ti̱xin veʼe ña̱ kútu̱ní ndási nu̱ú ñúʼu-se̱ʼéna.

48 Nda̱a̱ táki̱ʼva kéʼé na̱ sáa̱-ini xíni yi̱ʼi̱ xíʼi̱n, saá kéʼé Ndióxi̱ ta̱ nda̱a̱ xíʼinna;

táxira ña̱ ná kaʼndachíñui̱ nu̱ú ku̱a̱ʼá ñuu;

49 sáka̱kura yi̱ʼi̱ nu̱ú na̱ sáa̱-ini xíni yi̱ʼi̱.

Taxiún ña̱ kundayáʼvikai̱ nu̱ú na̱ kánitáʼan xíʼi̱n;

sáka̱kún yi̱ʼi̱ nu̱ú na̱ ta̱a na̱ ndi̱va̱ʼa-ini.

50 Xa̱ʼa̱ ña̱kán, Jehová, taxii̱ tíxa̱ʼvi ndaʼún nu̱ú ndiʼika na̱ ñuu

ta katai̱* yaa ña̱ va̱ʼa ndasakáʼnui̱ ki̱vi̱ún:

51 ku̱a̱ʼání ña̱ʼa kéʼéra ña̱ va̱ʼa sakǎkura rey ta̱ nda̱kaxinra;

ndiʼi tiempo náʼa̱ra ña̱ ndixaní kúʼvi̱-inira* xínira ta̱ David ta̱ nda̱kaxinra ta saátu na̱ se̱ʼera”.