¿Ndáaña kúú míí ña̱ káʼa̱n Biblia xa̱ʼa?

“Taxii̱ ña̱ koún contra xíʼin ñá ñaʼá ta na̱ se̱ʼún xíʼin na̱ se̱ʼe ñákán sa̱a̱-inina kunitáʼanna. Ta̱kán ku̱a̱ñi̱ndosóra xi̱níún ta yóʼó satíkue̱ʼún xa̱ʼara.”

(Génesis 3:15)

“Sa̱tá na̱ se̱ʼún kixa̱a̱ bendición nu̱ú ndiʼi na̱ ñuu ña̱ iníísaá ñuyǐví, xa̱ʼa ña̱ xi̱niso̱ʼún ña̱ ni̱ka̱ʼi̱n.”

(Génesis 22:18)

“Ná kixa̱a̱ ña̱ kaʼndachíñún. Saá koo ña̱ kúni̱ miíún, táki̱ʼva íyo chí ndiví, saá ná koo nu̱ú ñuʼú yóʼo.”

(Mateo 6:10)

“Ndióxi̱ ta̱ kǒo kútóo ku̱a̱chi, kama sandiʼi-xa̱ʼara Satanás ta kǒo kuchiñukara xíʼinndó.”

(Romanos 16:20)

“Tá xa̱ndiʼi ña̱ʼa xíʼin na̱ yiví xi̱niso̱ʼo ña̱ ni̱ka̱ʼa̱n se̱ʼe Ndióxi̱, saá kúú ña̱ kaʼnda Ndióxi̱ chiñu nu̱ú se̱ʼera, tasaá kaʼndara chiñu nu̱ú ndiʼina xíʼin ndiʼi ña̱ʼa.”

(1 Corintios 15:28)

“Ña̱ ni̱ka̱ʼa̱nra koo chí nu̱únínu xíʼin ta̱ Abrahán ta saátu ni̱ka̱ʼa̱nra xíʼin se̱ʼe ta̱ Abrahán [...] ta̱yóʼo kúú ta̱ Jesús. Tá ndíku̱nndó ta̱ Jesús saá kúú ña̱ kúúndó se̱ʼe ta̱ Abrahán.”

(Gálatas 3:16, 29)

“Vitin iinlá Ndióxi̱ xíʼin ta̱ Jesús kaʼndachíñu nu̱ú ñuyǐví, iinlá ta̱yóʼo kaʼndachíñu ndiʼi tiempo.”

(Revelación 11:15)

“Ta chi̱ka̱a̱na tí dragón, tí ko̱o̱ káʼnu tí íyo tiempo xi̱naʼáví, ta̱ naní Diablo á Satanás ta̱ sándáʼvi ndiʼi na̱ ndóo nu̱ú ñuʼú: sa̱kánanara nu̱ú ñuʼú xíʼin na̱ ángel na̱ ndíku̱n sa̱tára.”

(Revelación 12:9)

“Ta ti̱inra tí dragón, tí ko̱o̱ káʼnu tí íyo tiempo xi̱naʼáví, ta̱ naní Diablo á Satanás, ta ka̱tunrara iin mil ku̱i̱ya̱.”

(Revelación 20:2)