PREGUNTA 6
¿Ndáaña ni̱ka̱ʼa̱n Biblia xa̱ʼa ta̱ nda̱ka̱xin Ndióxi̱?
ÑA̱ NI̱KA̱ʼA̱NNA
“Ñuu Belén Efrata [...], ti̱xin yóʼó kana iin ta̱ kaʼndachíñu nu̱ú ñuu Israel.”
(Miqueas 5:2)
NI̱XI̱NUÑA
“Tándi̱ʼi ka̱ku ta̱ Jesús ñuu Belén ña̱ chí ñuu Judá tá tiempo kúú ta̱ Herodes rey [...], na̱ káʼvi xíʼin tí ki̱mi na̱ ndóo chí nu̱ú kíta ñu̱ʼu ki̱xa̱a̱na ñuu Jerusalén.”
ÑA̱ NI̱KA̱ʼA̱NNA
“Ndataʼvína ti̱ko̱to̱i̱, ta chika̱a̱na suerte ndáana ndakiʼinña.”
(Salmo 22:18)
NI̱XI̱NUÑA
“Tá ka̱tikaa na̱ soldado ta̱ Jesús kandíka yitu̱n, ti̱inna ti̱ko̱to̱ra ta nda̱tánaña ku̱mí ñaʼñu [...]. Soo ti̱ko̱to̱ ña̱ ndíka̱a̱ chí ini ña̱ ni̱ku̱ku níívana kúúña. Ña̱kán ni̱ka̱ʼa̱n xíʼin táʼanna: ‘Kǒo ndátayóña, va̱ʼaka suerte ná chika̱a̱yó ndáana ndakiʼinñaʼ.”
ÑA̱ NI̱KA̱ʼA̱NNA
“[Ndióxi̱] kundaara leke ta̱kán; nda̱a̱ ni iinña va̱ása ta̱ʼnu̱.”
(Salmo 34:20)
NI̱XI̱NUÑA
“Tá ki̱xa̱a̱na nu̱ú ta̱ Jesús, xi̱nina xa̱ni̱xi̱ʼi̱vara, kǒo níxaʼnu̱na leke si̱ʼinra.”
ÑA̱ NI̱KA̱ʼA̱NNA
“Ka̱anna kandíkara xa̱ʼa ku̱a̱chi miíyó.”
NI̱XI̱NUÑA
“Iin ta̱ soldado ka̱anra kandíkara xíʼi iin yitu̱n ka̱a, ta ndi̱ku̱n ke̱e ni̱i̱ xíʼin ti̱kui̱í.”
ÑA̱ NI̱KA̱ʼA̱NNA
“Ta cha̱ʼvina yi̱ʼi̱, o̱ko̱ u̱xu̱ xu̱ʼún ña̱ plata.”
(Zacarías 11:12, 13)
NI̱XI̱NUÑA
“Ti̱xin na̱ u̱xu̱ u̱vi̱, ki̱ta ta̱ naní Judas Iscariote, ni̱xa̱ʼa̱nra nu̱ú na̱ su̱tu̱ náʼnu ta káchira: ‘¿Ndáaña taxindó ndaʼíi̱ ná taxira ndaʼa̱ndó?ʼ. Ni̱ka̱ʼa̱nna taxina o̱ko̱ u̱xu̱ xu̱ʼún ña̱ plata.”