5
Ña̱ káʼa̱n Biblia
Jehová kúú ta̱ kúúmií ndée ña̱ kaʼndachíñura nu̱úyó. Ta̱yóʼo kúú ta̱ xíni̱ va̱ʼa. Ña̱ káʼa̱nra koo nu̱ú Ñuʼú yóʼo ña̱ sáxi̱nura kúúvaña.
Tá xa̱ni̱ya̱ʼa ku̱i̱ya̱ 4026 t.x. Tí “ko̱o̱” ni̱ka̱ʼa̱nrí tu̱ʼun vatá xa̱ʼa Jehová ña̱ va̱ása va̱ʼa xáʼndachíñura nu̱ú na̱ yiví. Jehová ni̱ka̱ʼa̱nra, ‘se̱ʼe iin ñá ñaʼáʼ, ku̱a̱ñi̱ndosó xi̱ní ta̱ Ndi̱va̱ʼa (Génesis 3:1-5, 15; koto nota). Soo táxira loʼo tiempo ña̱ xáʼndachíñu na̱ yiví nu̱ú miína táki̱ʼva kúni̱ ta̱ Ndi̱va̱ʼa. |
Ku̱i̱ya̱ 1943 t.x. Jehová ni̱ka̱ʼa̱nra xíʼin ta̱ Abrahán, ti̱xin iin na̱ “se̱ʼe” ta̱yóʼo kixi iin ta̱ kaʼndachíñu (Génesis 22:18). |
Tá xa̱ni̱ya̱ʼa ku̱i̱ya̱ 1070 t.x. Jehová ni̱ka̱ʼa̱nra xíʼin ta̱ rey David, tándi̱ʼi ni̱ka̱ʼa̱nra xíʼin ta̱ Salomón se̱ʼe ta̱ David, ti̱xin na̱ “se̱ʼe” ta̱yóʼo kixi iin ta̱ kaʼndachíñu (2 Samuel 7:12, 16; 1 Reyes 9:3-5; Isaías 9:6, 7). |
Ku̱i̱ya̱ 29 t.v. Jehová ni̱ka̱ʼa̱nra ta̱ Jesús kúú ta̱ ni̱ka̱ʼa̱nra xa̱ʼa ta̱ ndi̱ʼvi kaʼndachíñu nu̱ú ta̱ David (Gálatas 3:16; Lucas 1:31-33; 3:21, 22). |
Ku̱i̱ya̱ 33 t.v. Ta̱ Ndi̱va̱ʼa, ta̱ kúú “ko̱o̱”, chi̱ka̱a̱ xi̱ní na̱ yiví ña̱ xa̱ʼnína ta̱ Jesús, tasaá kúú ña̱ sa̱tíkue̱ʼe̱ra xa̱ʼara. Jehová sa̱ndátakura ta̱ Jesús, ndi̱kóora chí ndiví ta Jehová ni̱kusi̱í-inira xíʼin ña̱ ke̱ʼé ta̱ Jesús. Xa̱ʼa ña̱ ni̱xi̱ʼi̱ra xa̱ʼayó kivi koo Ndióxi̱ ña̱ káʼnu-ini xa̱ʼa ku̱a̱chiyó na̱ se̱ʼe ta̱ Adán ta kivi xa̱a̱yó kooyó ndiʼi tiempo (Génesis 3:15; Hechos 2:32-36; 1 Corintios 15:21, 22). |
Ku̱i̱ya̱ 1914 t.v. Ta̱ Jesús sa̱kánara tí “ko̱o̱” nu̱ú Ñuʼú ta táxira koorí nu̱úña loʼo tiempo (Revelación 12:7-9, 12). |
Chí nu̱únínu Ta̱ Jesús chika̱a̱ra ta̱ Ndi̱va̱ʼa ini ya̱vi̱ iin mil ku̱i̱ya̱, tándi̱ʼi saáví sandiʼi-xa̱ʼarara. Saá kúú ña̱ xi̱nu ña̱ káʼa̱n Biblia ña̱ ku̱a̱ñi̱ra xi̱ní ta̱ Ndi̱va̱ʼa. Ta saá xi̱nu ña̱ kúni̱ Jehová koo nu̱ú Ñuʼú yóʼo nda̱a̱ táki̱ʼva xi̱kuni̱ra koo tá xa̱ʼa. Ña̱ ki̱vi̱ Ndióxi̱ saáví nduyaaña, tasaá kuniyó iinlá Ndióxi̱ kúú ta̱ íyo yichi̱ kaʼndachíñu nu̱úyó (Revelación 20:1-3, 10; 21:3, 4). |