Káxi ka̱ʼún xíʼinna

Ña̱ ke̱ʼé ta̱ Jesús

VIDEO: Ta̱ Jesús táxira consejo ndaʼa̱ iin ta̱ loʼo ku̱i̱ká

1. Koto VIDEO á kaʼvi Marcos 10:​17-22. Tándi̱ʼi, ndakanixi̱ní xa̱ʼa̱ pregunta ña̱ va̱xi yóʼo

1. ¿Ndáaña va̱ʼa kúúmií ta̱ loʼo yóʼo xi̱ni ta̱ Jesús?

2. ¿Nda̱chun va̱ása níyi̱ʼví ta̱ Jesús ña̱ taxira consejo ndaʼa̱ ta̱ loʼo yóʼo?

¿Ndáaña sákuaʼayó xíʼin ña̱ ke̱ʼé ta̱ Jesús?

2. Tá kúni̱yó ña̱ kixáʼa na̱ káʼviyó xíʼin ndasakáʼnuna Jehová, ná kǒo yi̱ʼvíyó ka̱ʼa̱nyó xíʼinna tá xítoyó ña̱ xíniñúʼu chika̱a̱kana ndee̱ ña̱ ndasakáʼnuna Ndióxi̱.

Keʼé táki̱ʼva ke̱ʼé ta̱ Jesús

3. Chindeétáʼan xíʼinna ña̱ kuumiína meta ta ná chika̱a̱na ndee̱ ña̱ keʼénaña.

1. Kuniñúʼú recuadro ña̱ naní “Kivi keʼún ña̱yóʼo” ña̱ va̱xi nu̱ú tutu Kivi koo si̱íún vitin ta saátu chí nu̱únínu.

2. Íyo sava meta ña̱ xa̱a̱ kivi keʼé na̱ káʼviyó xíʼin, ta íyotu sava ña̱ keʼéna chí nu̱únínu. Ña̱kán chindeétáʼan xíʼinna ña̱ va̱ʼa sáxi̱nunaña.

3. Tá ki̱xáʼana kéʼéna ña̱ káʼa̱n tu̱ʼun Ndióxi̱, ka̱ʼa̱n xíʼinna ña̱ va̱ʼaní kéʼéna.

4. Koto ndáaña sási nu̱úna ña̱ keʼéna ña̱ káʼa̱n tu̱ʼun Ndióxi̱ ta chindeétáʼan xíʼinna.

1. Ndakanixi̱ní xa̱ʼa̱ pregunta yóʼo:

   • “Tá na̱ kaʼvii̱ xíʼin ta̱ʼán xa̱a̱na ndakuchina, ¿ndáa xa̱ʼa̱ kúú ña̱ ta̱ʼán keʼéna ña̱yóʼo?”.

   • “¿Ndáaña kivi keʼíi̱ ña̱ va̱ʼa chindeétáʼi̱n xíʼinna?”.

2. Ka̱ʼa̱n xíʼin Jehová ná chindeétáʼanra xíʼún ña̱ va̱ása yi̱ʼvíún ka̱ʼún xíʼin na̱ kaʼviún xíʼin ndáaña xíniñúʼu keʼéna.

5. Tá va̱ása kéʼéna ña̱ sákuaʼana, kǒo kaʼvikaún xíʼinna.

1. Ña̱ va̱ʼa kunda̱a̱-iniún á xíniñúʼu kaʼvikaún xíʼinna, ndakanixi̱ní xa̱ʼa̱ pregunta yóʼo:

   • “¿Á kéʼéna ña̱ sákuaʼana?”.

   • “¿Á xáʼa̱nna reunión ta nátúʼunna xíʼin inkana xa̱ʼa̱ ña̱ sákuaʼana?”.

   • “Tá xa̱a̱ ku̱a̱ʼá tiempo sákuaʼana, ¿á kúni̱na koona testigo Jehová?”.

2. Tá náʼa̱ ña̱ va̱ása kúni̱na keʼéna ña̱ sákuaʼana:

   • Ka̱ʼa̱n xíʼinna ña̱ ná kotona ndáaña sási nu̱úna ña̱ keʼéna ña̱ sákuaʼana.

   • Vií ka̱ʼún xíʼinna ndáa xa̱ʼa̱ kúú ña̱ va̱ása kaʼvika̱ún xíʼinna.

   • Káxi ka̱ʼún xíʼinna ndáaña xíniñúʼu keʼéna ña̱ va̱ʼa ndikó tukún kaʼviún xíʼinna chí nu̱únínu.