Ndakú ná koo iniyó nani ndátuyó

¿Xa̱a̱ nda̱saa tiempo ndátuyó ña̱ kixaa̱ Reino Ndióxi̱? ¿Á ndátuyó ta kǒo ndákava-iniyó xíʼin tu̱ndóʼo ña̱ ndóʼoyó? (Ro 8:25). Na̱ yiví sáa̱-inina xínina sava na̱ hermano, ta saátu íxandi̱va̱ʼana xíʼinna, táanna na̱yóʼo veʼeka̱a á nda̱a̱ sava yichi̱ kúni̱na kaʼnína na̱yóʼo. Savatuna xóʼvi̱nína xíʼin iin kue̱ʼe̱ ña̱ kúúmiína á xa̱ʼa̱ ña̱ ku̱chéena.

¿Ndáaña xíniñúʼu keʼéyó ña̱ ndakú koo iniyó kundatuyó ni ku̱a̱ʼání tu̱ndóʼo va̱xi nu̱úyó? Ña̱ va̱ʼa ndakú koo ña̱ kándixayó Jehová xíniñúʼu ndiʼi ki̱vi̱ kaʼviyó ña̱ va̱xi nu̱ú Biblia, ndakanixi̱níyó xíʼin ña̱ káʼviyó ta ná kandixayó ña̱ káʼa̱n Jehová keʼéra chí nu̱únínu (2Co 4:16-18; Heb 12:2). Ta saátu ná ka̱ʼa̱nyó xíʼin Jehová ña̱ ná taxira ndee̱ra ndaʼa̱yó xíʼin espíritu santo ña̱ kúúmiíra (Lu 11:10, 13; Heb 5:7). Yivayó Jehová kúú ta̱ chindeétáʼa̱n xíʼinyó ña̱ kundatuyó xíʼin ña̱ si̱í-iniyó ta kǒo ndi̱ʼi̱-iniyó (Col 1:11).

KOTO ÑA̱ VIDEO XÍNIÑÚʼU NDAKÚ KOO INIYÓ: NÁ KANDÍXAYÓ ÑA̱ KUCHIÑUVAYÓ NDAKIʼINYÓ ÑA̱ NDÁTUYÓ CHÍ NU̱ÚNÍNU TÁNDI̱ʼI NDAKUIINNDÓ PREGUNTA YÓʼO:

• 

  ¿Ndáa ña̱ʼa kúú ña̱ kivi iin sana kundoʼoyó? (Ec 9:11).

• 

  ¿Nda̱saa chíndeétáʼan oración xíʼinyó ña̱ ya̱ʼayó nu̱ú tu̱ndóʼo?

• 

  Tá kǒo kívi kachíñukayó nu̱ú Jehová nda̱a̱ táki̱ʼva xi̱keʼéyó tá ya̱chi̱, ¿nda̱chun xíniñúʼu chika̱a̱yó ndee̱ keʼéyó ña̱ kúchiñu kuitíyó?

• 

  ¿Ndáaña chíndeétáʼan xíʼún kándixaún ña̱ ndakiʼún chí nu̱únínu?