Ndáa ki̱ʼva kivi ka’viyó

¿Ndáa ki̱ʼva kuniñúʼún BIBLIOTECA EN LÍNEA Watchtower^™ ña̱ va̱ʼa nandukún ña̱ kúni̱ún kunda̱a̱-iniún xa̱ʼa̱?

Nu̱ú sitio ña̱ kúúmiíndi̱ kivi ndani̱ʼún ku̱a̱ʼá tema ña̱ kúni̱ún kunda̱a̱-iniún xa̱ʼa̱. Ta sava ña̱yóʼo va̱xiña nu̱ú ña̱ naní Glosario, Perspicacia para comprender las Escrituras, la Guía de estudio para los testigos de Jehová xíʼin Índice de las publicaciones Watch Tower.

Ña̱ BIBLIOTECA EN LÍNEA Watchtower ña̱ tu̱ʼun sáʼán kúúmiíña iin recuadro loʼo nu̱ú kivi kaʼyíún ña̱ kúni̱ún nandukún. Tá ná kaʼyíún tu̱ʼun ña̱ kúni̱ún nandukún nu̱ú ña̱yóʼo, ndi̱ku̱n kama kana ndiʼi referencia ña̱ káʼa̱n xa̱ʼa̱ña. Ta tá va̱xi ña̱yóʼo nu̱ú inkaka tutu chí síi̱nña kana ña̱ naní “Obras de consulta”.

Kivi keʼún ña̱yóʼo: Kaʼyí ki̱vi̱ “Jehová” nu̱ú recuadro loʼo yóʼo (A). Ta ndaka̱xin nu̱ú va̱xi ki̱vi̱ “Jehová” ta chí síi̱nña va̱xi ña̱ naní “Obras de consulta” (B). Ta yóʼo kúú nu̱ú kivi ndani̱ʼún tutu ña̱ káʼa̱n xa̱ʼa̱ ña̱yóʼo.