Ndáa ki̱ʼva kivi ka’viyó

¿Ndáaña xíniñúʼu ndi̱ʼi̱ka-iniyó xa̱ʼa̱?

Kǒo va̱ʼa tiempo nu̱úyó ña̱ kaʼviyó Biblia nda̱a̱ táki̱ʼva kúni̱ miíyó. Ña̱kán, ¿ndáaña kivi keʼéyó ña̱ va̱ʼaní kuniñúʼuyó tiempoyó? Tá loʼo tiempo íyo nu̱ún, viíní kuniñúʼúnña ña̱ kaʼviún xa̱ʼa̱ ña̱ kúni̱ún kunda̱a̱-iniún. Ndáyáʼviníka ña̱ kaʼviyó xa̱ʼa̱ iin ña̱ʼa ta kunda̱a̱-iniyó xíʼinña, nu̱úka ña̱ kaʼviyó ku̱a̱ʼá tutu soo va̱ása kunda̱a̱-iniyó xíʼinña.

Ndakanixi̱ní ndáa ña̱ʼa kúúmií ña̱ ndáyáʼvika keʼún (Efes. 5:15, 16). Ña̱ va̱xi yóʼo kivi chindeétáʼan xíʼún.

• Kaʼvi Biblia ndiʼi ki̱vi̱ (Sal. 1:2). Ta iin ña̱ chindeétáʼan xíʼún ña̱ keʼún ña̱yóʼo kúú ña̱ kaʼviún capítulo ña̱ káʼvina ti̱xin reunión ma̱ʼñú semana.

• Xa̱a̱ ya̱chi̱ka kaʼvi kúeún ña̱ sakúaʼana ti̱xin reunión ña̱ xíyo ma̱ʼñú semana xíʼin Tutu Ña̱ Nátúʼun xíʼinyó ña̱ va̱ʼa taxiún comentario (Sal. 22:22).

• Tá ki̱ndooka tiempo nu̱ún, kivi kaʼviún revista ña̱ ku̱a̱ʼa̱n ndaʼa̱ na̱ yiví, kivi kotoún video xíʼin ndiʼi ña̱ kána nu̱ú jw.org.

• Chika̱a̱ ndee̱ ña̱ kaʼviún xa̱ʼa̱ ña̱ kivi chindeétáʼan xíʼún tá yáʼún nu̱ú tu̱ndóʼo, nandukúka xa̱ʼa̱ ña̱ kúni̱ún kunda̱a̱-iniún. Nu̱ú sección ña̱ naní “Ña̱ chíndeétáʼan xíʼinyó ña̱ kaʼviyó Biblia”, ña̱ va̱xi nu̱ú jw.org, kivi ndani̱ʼíkaún ña̱ chindeétáʼan xíʼún.