NDÁA KI̱ʼVA KIVI KA’VIYÓ
¿Ndáa ki̱ʼva ndakaʼányó xa̱ʼa̱ texto ña̱ va̱xi nu̱ú Biblia?
¿Ndáa texto kúú ña̱ kútóokaún? Sana íyo ku̱a̱ʼávaña kútóún. Sana kúúmiíún iin ña̱ sándi̱ko-iniún ta chíkaa̱ña ndee̱ xíʼún á sana íyo iin ña̱ chíndeétáʼan xíʼún ña̱ va̱ása ndakanixi̱níún ña̱ va̱ása va̱ʼa á íyo ña̱ kútóoníún kuniñúʼún ña̱ va̱ʼa chika̱ún ndee̱ xíʼin inkana (Sal. 119:11, 111). Soo sava yichi̱ íxayo̱ʼvi̱ña xíʼún ña̱ ndakaʼún ña̱ káʼa̱n iin texto á míí ndíkaa̱ña. Ná kotoyó ña̱ kivi chindeétáʼan xíʼún.
Kuniñúʼu etiqueta ña̱ va̱xi nu̱ú JW Library®. Tá káʼviún Biblia nu̱ú ña̱ aplicación ta nda̱ni̱ʼún iin texto ña̱ kúni̱ún ndakaʼún xa̱ʼa̱ chinúu etiqueta sa̱tá texto yóʼo nu̱ú káʼa̱nña “Textos favoritos”.
Kaʼyí texto nu̱ú kivi kuniúnña. Sava na̱ hermano káʼyína sava versículo nu̱ú iin tutu ta chínúunaña nu̱ú espejo ña̱ kúúmiína á nu̱ú refrigerador tú kúúmiína. Ta savana távana foto ña̱yóʼo ta chínúuna ña̱yóʼo nu̱ú celularna á nu̱ú computadorana.
Kaʼyíña nu̱ú tutu válí ña̱ va̱ʼa sakúaʼa xi̱níúnña. Iin táʼví ña̱ tarjeta yóʼo kaʼyí ña̱ texto ta inka táʼvíña kaʼyí ña̱ káʼa̱nña. Koto iin táʼví ña̱ tarjeta yóʼo ta chika̱a̱ ndee̱ ña̱ ndakaʼún ña̱ káʼa̱nña.