¿Á kixaa̱ iin ki̱vi̱ ña̱ vií kutáʼan na̱ yiví ni xa̱a̱ síín razana? | ¿Ndáaña káʼa̱n Biblia xa̱ʼa̱ ña̱yóʼo?

Ku̱a̱ʼání na̱ yiví ndákanixi̱nína ña̱ yo̱ʼvi̱ní ña̱ vií kutáʼan ndiʼi na̱ yiví.

• “Nu̱ú iníísaá ñuyǐví xa̱ʼa̱ ña̱ xa̱a̱ síín raza kúúmií na̱ yiví, ndiʼi ki̱vi̱ kúndasítáʼanna ta va̱ása vií kítáʼanna, ta nda̱a̱ xáa̱na kéʼéna ña̱ va̱ása va̱ʼa xíʼin táʼanna” (Ta̱ António Guterres, ta̱ kúú secretario general de las Naciones Unidas).

¿Á kixaa̱ iin ki̱vi̱ ña̱ vií kutáʼan na̱ yiví ni xa̱a̱ síín razana? ¿Ndáaña káʼa̱n Biblia xa̱ʼa̱ ña̱yóʼo?

Ña̱ ndákanixi̱ní Ndióxi̱ xa̱ʼa̱ na̱ yiví na̱ xa̱a̱ síín raza

Biblia káʼa̱nña ndáaña ndákanixi̱ní Ndióxi̱ xa̱ʼa̱ na̱ yiví na̱ xa̱a̱ síín raza.

• “Ta iin ta̱a kuití kúú ta̱ i̱xava̱ʼa [Ndióxi̱], ta ti̱xin ta̱yóʼo kúú ña̱ ki̱xi ndiʼi na̱ ñuu” (Hechos 17:26).

•  “Va̱ása ndáka̱xin Ndióxi̱ na̱ yiví, nda̱a̱ ndáaka ñuuna ndákiʼinvarana tá ndixa íxato̱ʼónara ta kéʼéna ña̱ va̱ʼa nu̱úra” (Hechos 10:34, 35).

Biblia káʼa̱nña ña̱ iin kúú ndiʼi na̱ yiví, ta nu̱ú Ndióxi̱ va̱ʼa ndiʼina ni nda̱a̱ ndáaka raza kúúna.

¿Ndáaña chindeétáʼan xíʼin na̱ yiví ña̱ va̱ása kundasína kunitáʼanna?

Reino Ndióxi̱ ña̱ íyo chí ndiví chindeétáʼan xíʼinyó ña̱ va̱ása kundasíyó kunitáʼanyó. Ña̱yóʼo sanáʼa̱ña na̱ yiví ña̱ vií kutáʼanna. Tasaá ni loʼoka va̱ása kundasíyó kunitáʼanyó.

•  Na̱ yiví na̱ kundoo nu̱ú ñuʼú “sákuaʼana ña̱ nda̱kú” (Isaías 26:9).

•  “Tá kéʼéyó ña̱ nda̱kú táxi̱n kooyó, tá kéʼéyó ña̱ nda̱kú saá kúú ña̱ kǒo ni iin ña̱ʼa sandíʼi-iniyó ta viíní kooyó ndiʼi tiempo” (Isaías 32:17).

Vitin ku̱a̱ʼání na̱ yiví xa̱a̱ sákuaʼana nu̱ú Biblia ña̱ ixato̱ʼóna inkana ta vií keʼéna xíʼinna.

•  Tá kuni̱ún kunda̱a̱ka-iniún xa̱ʼa̱ ña̱yóʼo kaʼvi revista ¡Despertad! ña̱ naní “¿Tiene cura el prejuicio?”.

•  Ña̱ va̱ʼa kunda̱a̱-iniún nda̱a̱ ki̱ʼva ka̱ʼún xíʼin se̱ʼún xa̱ʼa̱ ña̱yóʼo, kaʼvi artículo ña̱ naní “¿Cómo hablar con sus hijos sobre el racismo?”.