¿Á iin ta̱a va̱ʼa kuití xi̱kuu ta̱ Jesús?

Ña̱ káʼa̱n Biblia xa̱ʼa̱ ña̱yóʼo

Su̱ví iin ta̱a va̱ʼa kuití níxikuu ta̱ Jesús chi ku̱a̱ʼákava ña̱ ke̱ʼéra ta ku̱a̱ʼánína ndákaʼán xa̱ʼa̱ra, kǒo inka na̱ íyo nda̱a̱ táki̱ʼva ni̱xi̱yo ta̱yóʼo. Koto ña̱ ni̱ka̱ʼa̱n sava na̱ káʼvi va̱ʼa xa̱ʼa̱ra:

Ña̱ ni̱ka̱ʼa̱n ta̱ H. G. Wells, ta̱ kúú historiador británico: “Ta̱ Jesús ta̱ ñuu Nazaret kúú ta̱ va̱ʼaníka kúnda̱a̱-ini na̱ yiví na̱ íyo iníísaá ñuyǐví xa̱ʼa̱”.

Ña̱ ni̱ka̱ʼa̱n ta̱ Kenneth Scott Latourette, ta̱ kúú historiador estadounidense: “Ki̱ʼva ña̱ xi̱taku ta̱ Jesús tá ni̱xi̱yora nu̱ú ñuʼú yóʼo kúú ña̱ kúnda̱a̱-ini ku̱a̱ʼání na̱ yiví xa̱ʼa̱, ta ku̱a̱ʼáníka kúú na̱ ku̱a̱ʼa̱n kúnda̱a̱-ini xa̱ʼa̱ ña̱yóʼo”.

Ña̱ Biblia káʼa̱nña ndáa xa̱ʼa̱ kúú ña̱ ku̱a̱ʼání na̱ yiví kúnda̱a̱-ini xa̱ʼa̱ ta̱ Jesús, saáchi iinlá ta̱yóʼo kúú ta̱a ta̱ ke̱ʼé ña̱ va̱ʼa. Tá ni̱nda̱ka̱tu̱ʼun ta̱ Jesús na̱ migora ndáa ta̱a xi̱kuura, iin na̱yóʼo ni̱ka̱ʼa̱nna: “Yóʼó kúú ta̱ Cristo se̱ʼe Ndióxi̱ ta̱ táku” (Mateo 16:16).