Nama̱ ñuu Jericó

¿NDACHUN ndúva nama̱ ña̱ ñuu Jericó? Nda̱a̱ tá kúú tá ndákava iin bomba saá kúu. Soo tiempo saá kǒo bomba ni tu̱xi̱í níxi̱yo. Inka milagro kúú ña̱ ke̱ʼé Jehová. Ná kotoyó ndáaña ku̱u.

Koto ña̱ ni̱ka̱ʼa̱n Jehová xíʼin ta̱ Josué: ʼMiíún xíʼin na̱ ku̱a̱ʼa̱n xíʼún nu̱ú ku̱a̱chi, ka̱va̱ndó sa̱tá ñuu. Iin yichi̱ ka̱va̱ndó iin iin ki̱vi̱, i̱ñu̱ ki̱vi̱ keʼéndó ña̱yóʼo. Ta ná ku̱ʼu̱n ña̱ caja ña̱ trato xíʼinndó. U̱xa̱ su̱tu̱ ná ku̱ʼu̱n chí nu̱ú ña̱ caja ña̱ trato ta tivina ndiki̱ʼ.

ʼÑa̱ ki̱vi̱ u̱xa̱, u̱xa̱ yichi̱ ka̱va̱ndó sa̱tá ñuu Jericó. Tasaá naʼá va̱ʼa ná tivina ndiki̱ ta ndiʼina iin kuití ná nda̱ʼyi̱ kóʼóna. Ta nama̱ nduvavaña.ʼ

Ta̱ Josué xíʼin na̱ ñuu Israel keʼéna mií ña̱ ni̱ka̱ʼa̱n Jehová xíʼinna. Tá káva̱na ku̱a̱ʼa̱nna sa̱tá ñuu yóʼo ni iinna kǒo káʼa̱n. Iinlá ña̱ xíniso̱ʼona kúú ña̱ ndáʼyi̱ ndiki̱va xíʼin ña̱ káʼa xa̱ʼana ku̱a̱ʼa̱nvana. Ta na̱ yiví na̱ ñuu Jericó sana ni̱yi̱ʼvívana. Koto yoʼo̱ kuaʼá ña̱ tíkaa ventana yóʼo. ¿Yukú na̱ xíʼin veʼe nu̱ú tíkaa ña̱yóʼo? Veʼe ñá Rahab kúúña. Ñáyóʼo ke̱ʼéñá míí ña̱ ni̱ka̱ʼa̱n u̱vi̱ ta̱a na̱ ki̱xi se̱ʼé veʼeñá. Ndiʼi na̱ táʼanñá nda̱takana ini veʼeñá, ta xítona ña̱ kúú.

Ña̱ ki̱vi̱ u̱xa̱, tándi̱ʼi ni̱ka̱va̱na u̱xa̱ yichi̱ sa̱tá ñuu Jericó, saá ti̱vina ndiki̱ ta ni̱nda̱ʼyi̱ kóʼóna, ta nama̱ ña̱ ñuu Jericó ndu̱vavaña. Ta̱ Josué ni̱ka̱ʼa̱nra xíʼinna: ʼKaʼníndó na̱ yiví ta kaʼmindó ñuuna, soo kǒo sándiʼi-xa̱ʼandó ndiʼi ka̱a ña̱ oro, ña̱ plata, ña̱ cobre ni ña̱ hierro, chi ña̱yóʼo kuniñúʼuyóña tabernáculoʼ.

Tasaá ni̱ka̱ʼa̱n ta̱ Josué xíʼin u̱vi̱ na̱ ni̱xa̱ʼa̱n xi̱to se̱ʼé ñuu Jericó: ʼTavándó ñá Rahab xíʼin ndiʼi na̱ veʼeñáʼ. Ndiʼi na̱yóʼo ni̱ka̱kuvana táki̱ʼva ni̱ka̱ʼa̱nna xíʼin ñá Rahab tá ni̱xa̱ʼa̱nna veʼeñá.