Tá ku̱a̱ʼa̱nna xíʼin na̱ ñuu Babilonia nda̱a̱ tá ke̱ʼéna nama̱ ñuu Jerusalén

Tá ni̱xi̱yo na̱ ñuu Israel ñuu Babilonia, ku̱a̱ʼání tu̱ndóʼo ki̱xi nu̱úna. Ta̱ Sadrac, ta̱ Mesac xíʼin ta̱ Abednego chi̱ka̱a̱na na̱yóʼo ini horno nu̱ú xíxi̱ ñuʼu̱, soo Ndióxi̱ kǒo nítaxira kokona. Ni̱ya̱ʼa tiempo na̱ ñuu Media xíʼin na̱ ñuu Persia na̱kuchiñuna ka̱nitáʼanna xíʼin na̱ ñuu Babilonia. Ni̱ya̱ʼa tiempo saá chi̱ka̱a̱na ta̱ Daniel ya̱vi̱ nu̱ú ñúʼu tí león. Soo Ndióxi̱ sa̱sira yu̱ʼu̱rí ta kǒo níxaxírí ta̱yóʼo.

Tándi̱ʼi ta̱ rey Ciro ta̱ ñuu Persia ta̱xira ke̱e na̱ ñuu Israel ñuu Babilonia. Na̱yóʼo ndi̱kóna ñuuna tá ni̱xi̱nu 70 ku̱i̱ya̱, nani tá nda̱kiʼinnana ku̱a̱ʼa̱n xíʼinna ñuu Babilonia. Iin ña̱ nu̱ú va̱ʼa ke̱ʼéna tá ni̱xa̱a̱na ñuu Jerusalén xi̱kuu templo Jehová. Soo na̱ ñuu na̱ sáa̱-ini xíniñaʼá kǒo nítaxina keʼéna templo yóʼo. Ni̱ya̱ʼa 22 ku̱i̱ya̱ nani ta ndi̱kóna ñuu Jerusalén saáví ni̱xi̱nu templo yóʼo.

Ku̱a̱ʼáníka ña̱ʼa sakuaʼayó xa̱ʼa ta̱ Esdras tá ndi̱kóra nda̱salivira templo. Tá xa̱ni̱ya̱ʼa 47 ku̱i̱ya̱ ña̱ ni̱xi̱nu templo yóʼo saáví nda̱saliviraña. Tá ni̱ya̱ʼa 13 ku̱i̱ya̱ ña̱ ndi̱kó ta̱ Esdras ñuu Jerusalén, saá ni̱xa̱a̱ ta̱ Nehemías chi̱ndeé táʼanra xíʼinna ña̱ ke̱ʼéna nama̱ ñuu Jerusalén. Ña̱ TÁʼVI 5 152 ku̱i̱ya̱ ku̱u ndiʼi ña̱yóʼo.