¿Ndíá ña̱ va̱ʼa ni̱ʼi na̱ xíniso̱ʼo ña̱ káʼa̱n Ndióxi̱?

Ku̱a̱ʼání na̱ xa̱ ni̱xi̱ʼi̱ ndatiakuna ta kundoona nu̱ú Ñuʼú yóʼo (Hechos 24:15)

Ndakanixiníún xa̱ʼá túkúndiʼi ña̱ va̱ʼa ni̱ʼún átu ná kuniso̱ʼún ña̱ káʼa̱n Jehová. Ki̱ví va̱xi va̱ása ndiééka kundoʼún ni va̱ása kooka na̱ ndiéndóʼo. Va̱ása kooka na̱ yiví vǎʼá á na̱ ni̱kuu, va̱ʼaní kooún xíʼin túkúndiʼina.

Va̱ása kooka ña̱ xuʼvi̱yó, ni ña̱ kusuchí-iniyó, ni ña̱ kuakuyó. Va̱ása kuxikua̱ʼáka na̱ yiví, ni va̱ása kuvikana.

Ta ikán kooún xíʼin na̱ veʼún ta ndi̱a̱ na̱ ítáʼan va̱ʼa xíʼún. Kusi̱íní-iniyó kundooyó nu̱ú Ñuʼú luvi.

Va̱ása kooka ña̱ yíʼvi̱yó. Túkúndiʼi na̱ yiví si̱íní koo inina.

Ta̱ Rey nda̱kaxin Ndióxi̱ kúú ra̱ sandiʼi-xa̱ʼá túkúndiʼi tu̱ndóʼo ña̱ íyo vitin (Revelación [Apocalipsis] 21:3, 4)