¿Á va̱ʼa ndataku na̱ ni̱xi̱ʼi̱?

ÑA̱ KÁʼA̱N BIBLIA

“Sandátakura na̱ ke̱ʼé ña̱ va̱ʼa ta saátu na̱ ke̱ʼé ña̱ va̱ása va̱ʼa” (Hechos 24:15, Traducción del Nuevo Mundo).

¿NDÁAÑA VA̱ʼA NDAKIʼÚN TÁ NÁ KAʼVIÚNÑA?

Va̱ʼa chindeéña yóʼó tá ná kuvi iin na̱ táʼún (2 Corintios 1:3, 4).

Kǒo yi̱ʼvíkaún xa̱ʼa ña̱ kuviún  (Hebreos 2:15).

Kǒo kakaka-iniún xa̱ʼa ña̱ ndataku na̱ táʼún na̱ ni̱xi̱ʼi̱ (Juan 5:28, 29).

¿Á VA̱ʼA KANDÍXAYÓ ÑA̱ KÁʼA̱N BIBLIA?

Va̱ʼava, yóʼo sakuaʼayó xa̱ʼa u̱ni̱ ña̱ʼa:

• Ndióxi̱ kúú ta̱ i̱xa̱va̱ʼa ndiʼi ña̱ʼa. Ña̱ Biblia káchiña Jehová kúú ta̱ táxi ña̱ tákuyó (Salmo 36:9; Hechos 17:24, 25). Tá na̱kuchiñura i̱xava̱ʼara ndiʼi na̱ yiví saá kuchiñutura sandátakura na̱ ni̱xi̱ʼi̱va.

• Tá xi̱naʼá sa̱ndátaku Ndióxi̱ na̱ ni̱xi̱ʼi̱. Ña̱ Biblia káʼa̱nña xa̱ʼa u̱na̱ na̱ yiví na̱ sa̱ndátakura, ta̱ na̱yóʼo xi̱kuu: ta̱a, ná si̱ʼí xíʼin na̱ va̱lí ta ni̱xi̱yo tukuna nu̱ú Ñuʼú yóʼo. Savana sa̱kán ni̱xi̱ʼi̱na tá sa̱ndátakurana, soo iin ta̱a xa̱ku̱mí ki̱vi̱ ni̱xi̱ʼi̱ra tá sa̱ndátakurara (Juan 11:39-44).

• Ndióxi̱ kúni̱níra sandátakura na̱ ni̱xi̱ʼi̱. Jehová kǒo kúsi̱í-inira ña̱ xíʼi̱ na̱ yiví (1 Corintios 15:26). Ta kǒo kúni̱kara ña̱ kuviyó ña̱kán sandátakura na̱ ni̱xi̱ʼi̱. Chi kúni̱ra sandátakura ndiʼi na̱ ñúʼu xi̱níra ña̱ koo tukuna nu̱ú Ñuʼú yóʼo (Job 14:14, 15).