Nu̱ú kíxaʼá táʼví 11

Nu̱ú táʼvi yóʼo, kixaʼáyó kaʼviyó ña̱ Escrituras Griegas Cristianas. Sakuaʼayó xa̱ʼa ta̱ Jesús ña̱ ka̱kura ti̱xin veʼe na̱ ndáʼvi ta ka̱chíñura xíʼin yivára ta̱ carpintero. Ta̱ Jesús kúú ta̱ saka̱ku na̱ yiví. Jehová nda̱ka̱xinrara ña̱ koora rey ña̱ Reino Ndióxi̱ chí ndiví. Tá íyo se̱ʼún chindeéna ña̱ ná kunda̱a̱-inina ña̱ va̱ʼaní nda̱ka̱xin Jehová na̱ koo yivá ta̱ Jesús ña̱ va̱ʼa kuaʼnu viíra. Ka̱ʼa̱ntu xíʼinna ña̱ xi̱ndaa Jehová ta̱ Jesús tá kúni̱ ta̱ rey Herodes kaʼnírara. Kǒo ña̱ kuchiñu kasi nu̱ú Jehová ña̱ va̱ʼa xi̱nu ña̱ kúni̱ra keʼéra. Sanáʼa̱na ña̱ míí Jehová nda̱ka̱xin ta̱ Juan ña̱ sanáʼa̱ra na̱ yiví ña̱ kixi ta̱ Jesús. Ka̱ʼa̱n xíʼinna nda̱a̱ tá loʼo ta̱ Jesús, xi̱kandíxara ña̱ káʼa̱n Jehová ta va̱ása níxi̱keʼéra ña̱ kúni̱ miíra.