Nu̱ú kíxaʼá táʼví 12

Ta̱ Jesús ni̱ka̱ʼa̱nra xa̱ʼa Reino ña̱ íyo chí ndiví. Sa̱náʼa̱tura ndáa ki̱ʼva ka̱ʼa̱nyó xíʼin Ndióxi̱ ña̱ ná nduyi̱i̱ ki̱vi̱ra, ná kixi Reinora ta ná xi̱nu ña̱ kúni̱ra koo nu̱ú ñuʼú yóʼo. Tá íyo se̱ʼún, sánáʼa̱na ña̱ ná kunda̱a̱-inina ndáaña kúni̱ kachi ña̱yóʼo. Ta̱ Jesús va̱ása nítaxira sandáʼvi-ñaʼá ta̱ Ndi̱va̱ʼa, ña̱ ni̱ndiʼiní-inira xa̱ʼa kúú ña̱ keʼéra chiñu Ndióxi̱. Nda̱ka̱xinra na̱ apóstol, na̱yóʼo kúú na̱ kaʼndachíñu xíʼinra ti̱xin ña̱ Reino. Xa̱ʼa ña̱ xi̱kuni̱ra chindeé táʼanra xíʼin inkana, sa̱ndáʼara na̱ ndeé ndóʼo, ta̱xira ña̱ kuxu na̱ xíʼi̱ so̱ko ta nda̱a̱ sa̱ndátakura na̱ ni̱xi̱ʼi̱. Xíʼin ndiʼi milagro ña̱ ke̱ʼéra ni̱na̱ʼa̱ra ña̱ koo ti̱xin ña̱ Reino Ndióxi̱.