¿Ndáaña kivi taxiyó ndaʼa̱ Jehová?

IIN yichi̱, ta̱ Jesús ni̱ka̱ʼa̱nra: “Tá táxiyó ña̱ʼa ndaʼa̱ inkana ndeéka kúsi̱í-iniyó ta su̱víka ña̱ ndákiʼinyóña” (Hech. 20:35). Náʼa̱yó ña̱yóʼo tá táxiyó ña̱ʼa ndaʼa̱ Jehová. ¿Nda̱chun káʼa̱nyó ña̱yóʼo? Ndióxi̱ ku̱a̱ʼání ña̱ va̱ʼa táxira ndaʼa̱yó ta kúsi̱íní-iniyó xíʼinña, soo kúsi̱íka-iniyó tá miíyó táxi ña̱ʼa ndaʼa̱ra. ¿Ndáaña kivi taxi miíyó ndaʼa̱ra? Proverbios 3:9 káchiña: “Ndasakáʼnu Jehová xíʼin ndiʼi ña̱ va̱ʼa kúúmiíún”. Ta ‘ndiʼi ña̱ va̱ʼa kúúmiíyóʼ kúú tiempoyó, ña̱ xíni̱yó keʼéyó, ndéeyó xíʼin xu̱ʼúnyó. Tá xíniñúʼuyó xu̱ʼúnyó ña̱ va̱ʼa chindeétáʼanyó xíʼin na̱ ñuu Ndióxi̱, saá táxiyó iin regalo ndaʼa̱ Jehová ta ña̱yóʼo sákusi̱íña-iniyó.

¿Ndáaña kivi chindeétáʼan xíʼinyó ña̱ va̱ása nandósóyó taxiyó ña̱ kúúmiíyó ndaʼa̱ Jehová? Ta̱ apóstol Pablo ni̱ka̱ʼa̱nra xíʼin na̱ ñuu Corinto ña̱ ná taxiva̱ʼana loʼo ña̱ kúúmiína, tasaá va̱ʼa taxinaña ndaʼa̱ Jehová (1 Cor. 16:2). Tá kúni̱ún kunda̱a̱-iniún nda̱saa kivi taxiún xu̱ʼún nu̱ú íyoún, koto recuadro ña̱ va̱xi yóʼo.

Íyo sava ñuu nu̱ú kǒo kivi chindaʼána xu̱ʼún chí Internet. Soo nu̱ú página donate.jw.org íyo iin tutu ña̱ káʼa̱n xíʼin na̱ yiví nda̱saa kivi chindaʼána xu̱ʼún. Sava ñuu, página yóʼo íyo iin tutu ña̱ ndákuiin pregunta xa̱ʼa donación.