“Ña̱ʼa ña̱ táxiyó ndaʼa̱ Jehová”

¿Ndáaña kivi keʼéyó ña̱ va̱ʼa taxiyó ña̱ʼa ndaʼa̱ Jehová tiempo vitin? (1Cr 29:5, 9, 14). Ná kotoyó sava nu̱ú xíniñúʼu na̱ hermano xu̱ʼún ña̱ táxiyó xíʼin ña̱ táxi na̱ inka ñuu.

XU̱ʼÚN ÑA̱ TÁXIYÓ CHÍ INTERNET XÍʼIN ÑA̱ CHÍKA̱A̱YÓ INI CAJA VÁLÍ XÍNIÑÚʼUNAÑA XÍʼIN ÑA̱ VA̱XI YÓʼO:

• 

  CHIÑU ÑA̱ KÉʼÉ NA̱ TESTIGO JEHOVÁ INÍÍSAÁ ÑUYǏVÍ

  nu̱ú kúva̱ʼa Betel xíʼin oficina ña̱ traducción

  escuela nu̱ú sákuaʼa na̱ nátúʼun xa̱ʼa Ndióxi̱

  na̱ káchíñu ndiʼi tiempo nu̱ú Ndióxi̱

  na̱ chíndeétáʼan xíʼin na̱ ndóʼo tu̱ndóʼo

  ña̱ távána video xíʼin tutu ña̱ xíniñúʼuyó

• 

  ÑA̱ SÁTÁNA ÑA̱ʼA ÑA̱ XÍNIÑÚʼUYÓ TI̱XIN CONGREGACIÓN

  ña̱ ndasaviína veʼe nu̱ú ndátakayó ta saátu ña̱ cháʼvina ti̱kui̱í á luz

  xu̱ʼún ña̱ chíndaʼá na̱ congregación ku̱a̱ʼa̱n chí Betel xíniñúʼunaña:

  • ña̱ va̱ʼa kuva̱ʼaka ve̱ʼe nu̱ú ndátakayó á veʼe nu̱ú xíyo Asamblea

  • ña̱ va̱ʼa chíndeéna na̱ hermano iníísaá ñuyǐví

  • inkaka chiñu ña̱ kéʼéna iníísaá ñuyǐví

ÑA̱ ASAMBLEA REGIONAL XÍʼIN ÑA̱ CIRCUITO

Xu̱ʼún ña̱ ndákayana ti̱xin asamblea regional xíniñúʼunaña xíʼin chiñu ña̱ kéʼé na̱ testigo Jehová iníísaá ñuyǐví. Xíʼin ña̱yóʼo cháʼvina ndiʼi ña̱ʼa ña̱ xíniñúʼuyó ti̱xin ña̱ asamblea regional, especial á internacional.

Xu̱ʼún ña̱ ndákayana ti̱xin asamblea ña̱ circuito xíniñúʼunaña ña̱ va̱ʼa chaʼvina local nu̱ú ndátakayó á veʼe nu̱ú xíyo asamblea xíʼin inkaka ña̱ʼa. Tá xa̱a̱ ndíʼi xíyo asamblea ña̱ circuito ta kíndo̱oka loʼo xu̱ʼún, sava na̱ circuito ña̱ íxaana kúúña xíniñúʼuna xu̱ʼún yóʼo ña̱ va̱ʼa chindeétáʼanna xíʼin chiñu ña̱ kéʼé na̱ testigo Jehová iníísaá ñuyǐví.