Sakuaʼaka ña̱ va̱ʼa sanáʼa̱kaún: Sanáʼa̱ na̱ káʼviún xíʼin ña̱ va̱ʼa ná keena servicio

¿Nda̱chun xíniñúʼu sanáʼa̱yóna? Na̱ sa̱kán káʼviyó xíʼin xíniñúʼu sanáʼa̱yóna ña̱ keʼéna chiñu ña̱ xa̱ʼnda ta̱ Jesús ña̱ ná natúʼunna xa̱ʼa Ndióxi̱ xíʼin inkana (Mat. 28:19, 20). Ku̱a̱ʼá na̱ káʼviyó xíʼin xa̱yáʼana táxina discurso ti̱xin ña̱ Escuela nu̱ú Sákuaʼayó, sanatu xa̱nátúʼunna xa̱ʼa Ndióxi̱ xíʼin na̱ táʼanna á na̱ migona. Loʼo loʼo tá sákuaʼakana ku̱a̱ʼa̱nna xa̱a̱na kunda̱a̱-inina Jehová kúni̱ra ña̱ natúʼunyó xíʼin ndiʼi na̱ yiví xa̱ʼara. Ta sana ka̱ʼa̱nna xíʼinyó ña̱ xa̱kúni̱na ku̱ʼu̱nna sanáʼa̱na na̱ yiví, ña̱yóʼo kúni̱ kachiña xa̱xáʼnuna ku̱a̱ʼa̱nna xíʼin tu̱ʼun Ndióxi̱ (Rom. 10:13, 14). Tá ná kixaʼána keena servicio xíʼin na̱ congregación, xíniñúʼu chindeéyóna ña̱ va̱ʼa sakuaʼakana natúʼunna xa̱ʼa Ndióxi̱. Ña̱kán va̱ása yi̱ʼví-inina ku̱ʼu̱nna sanáʼa̱na na̱ yiví (Luc. 6:40).

¿Ndáa ki̱ʼva keʼéyóña?

Chindeé na̱ publicador xa̱á ña̱ ná koo ku̱a̱ʼá tutu nu̱úna ña̱ kuniñúʼuna tá ku̱ʼu̱nna natúʼunna xa̱ʼa Ndióxi̱ xíʼin na̱ yiví. Na̱ʼa̱ nu̱úna ndáa ki̱ʼva íyo tutu ña̱ xíka xíʼún ta ndáa ki̱ʼva xíniñúʼún iin iinña.
Ndaka̱xinndó iin ña̱ va̱xi nu̱ú tutu Ña̱ Nátúʼunyó xa̱ʼa Reino nu̱ú sánáʼa̱na miíyó ndáa ki̱ʼva natúʼunyó xa̱ʼa Ndióxi̱ ta sakuaʼandóña. Ka̱ʼa̱n xíʼin na̱ publicador xa̱á ña̱ ná kǒo kaʼvi kuitínaña. Kuniñúʼundó ña̱ va̱xi nu̱ú libro Benefíciese página 82 ña̱ kivi chindeé ndóʼó territorio nu̱ú xíkandó. Ka̱ʼa̱n xíʼinna ná kiʼinna kuenta xíʼin ti̱ko̱to̱ ña̱ ndíxina (2 Cor. 6:3, 4).
Su̱ví ña̱yóʼo kúú ndiʼiña. Na̱ʼa̱ iin tarjeta ña̱ territorio nu̱úna ta ka̱ʼa̱n xíʼinna ná kuniʼina tutu káʼyuyó tá ku̱a̱ʼa̱nyó veʼe tá veʼe. Ta sanáʼa̱na ndáaña kaʼyína nu̱úña tá ndáni̱ʼína iin na̱ yiví na̱ kúni̱ sakuaʼa xa̱ʼa Ndióxi̱. Ta ka̱ʼa̱n xíʼinna ná ndikó tukuna nu̱ú na̱ yiví yóʼo (1 Cor. 3:6). Sanáʼa̱na ndáa ki̱ʼva kuniñúʼuna página jw.org xíʼin folleto Buenas nuevas para gente de todas las naciones.
Kundatu loʼún xíʼinna kúee kúeeva sakuaʼana. Ka̱ʼa̱n xíʼinna xa̱ʼa ña̱ va̱ʼa kéʼéna (Prov. 25:11). Miíún xíniñúʼu chinúu yichi̱ nu̱úna. Na̱ publicador xa̱á va̱ása nandosóna xa̱ʼa ña̱ viíní chíndeún miína ni ña̱ xítona ña̱ ndíʼi̱ní-iniún xa̱ʼa servicio.

Keʼé ña̱yóʼo yo̱o̱ yóʼo:

Kee xíʼin na̱ publicador xa̱á na̱ káʼviún xíʼin servicio ta ná ku̱ʼu̱nna xíʼún ña̱ keʼéndó revisita á ña̱ kaʼvindó xíʼin inkana. Tá kǒo ni iin na̱ publicador xa̱á káʼviún xíʼin, ka̱ʼa̱n xíʼin na̱ publicador xa̱á na̱ congregación ña̱ ná keena xíʼún.