ÑA̱ KÉʼÉYÓ NA̱ TESTIGO

Sakuaʼaka ña̱ va̱ʼa sanáʼa̱kaún: na̱ kúni̱ sakuaʼaka ka̱ʼa̱n xíʼinna ná ku̱ʼu̱nna reunión

Iin ta̱ hermano náʼa̱ra iin invitación nu̱ú iin ta̱a

¿NDA̱CHUN KA̱ʼA̱NYÓ XÍʼINNA? Tá xíyo reunión saá kúú ña̱ xítayó nu̱ú Jehová ta ndásakáʼnuyóra ndiʼi semana (Sl 149:1). Saátu sakuaʼayó keʼéyó ña̱ kúni̱ra (Sl 143:10). Na̱ yiví na̱ kúni̱ sakuaʼa xa̱ʼa Ndióxi̱ ta saátu na̱ xa̱a̱ káʼviyó xíʼin kamaníka xáʼnuna xíʼin tu̱ʼun Ndióxi̱ tá kíxaʼána xáʼa̱nna reunión.

¿NDÁA KI̱ʼVA KEʼÉYÓÑA?

Ndi̱ku̱n ka̱ʼún xíʼinna ná ku̱ʼu̱nna xíʼún reunión. Va̱ása kundatún nda̱a̱ tá ná kaʼviún xíʼinvína (Rev 22:17).
Na̱ kúni̱ sakuaʼaka xa̱ʼa Ndióxi̱ ka̱ʼa̱n xíʼinna ndáa ki̱ʼva xíyo reuniónyó ta ndáaña natúʼunna xa̱ʼa inka semana. Xa̱a̱ kúúmiíyó invitación ña̱ káʼa̱n xa̱ʼa reunión, video ña̱ naní ¿Ndáaña kéʼé na̱ testigo Jehová nu̱ú ndátakana? saátu folleto ¿Ndáana kéʼé ña̱ kúni̱ Jehová tíempo vitin? lección 5 xíʼin 7.
Chindeé táʼan xíʼinna. Tá xíniñúʼuna carro ña̱ va̱ʼa ku̱ʼu̱nna á xíniñúʼu ndaka̱xinna ti̱ko̱to̱ kundixina chindeé miína. Tá ná ku̱ʼu̱nna reunión koo xíʼinna ta na̱ʼa̱ tutún nu̱úna. Na̱ʼa̱ inka na̱ hermano nu̱úna.