Chindeétáʼan xíʼin na̱ káʼviún xíʼin ña̱ ku̱ʼu̱nna reunión

Ndáyáʼviní reunión ña̱ xíkuumiíyó, chi yóʼo kúú nu̱ú ndásakáʼnuyó Jehová (Sl 22:22). Tá ndákutáʼanyó ña̱ va̱ʼa ndasakáʼnuyó Jehová kúsi̱íní-iniyó ta ku̱a̱ʼání bendición ndákiʼinyó (Sl 65:4). Na̱ káʼviyó xíʼin kamaní kuaʼnuna xíʼin tu̱ʼun Ndióxi̱ tá ná ku̱ʼu̱n ni̱ʼina reunión.

¿Ndáa ki̱ʼva chindeétáʼún xíʼin na̱ káʼviún xíʼin ña̱ va̱ʼa ku̱ʼu̱nna reunión? Tuku ta tuku ka̱ʼún xíʼinna ná ku̱ʼu̱nna xíʼún, na̱ʼa̱ video yóʼo nu̱úna ¿Ndáaña kéʼé na̱ testigo Jehová nu̱ú ndátakana?, ta ka̱ʼa̱n xíʼinna ndáaña va̱ʼa ndakiʼinna tá ná ku̱ʼu̱nna (lff lección 10). Kivi natúʼún xíʼinna xa̱ʼa̱ iin ña̱ sa̱kúaʼún ti̱xin reunión, á kivitu natúʼún xíʼinna xa̱ʼa̱ ña̱ kaʼvina ti̱xin inka reunión. Taxi tutu ña̱ káʼviyó ti̱xin reunión ndaʼa̱na á kivitu kuniñúʼún JW Library® ña̱ va̱ʼa na̱ʼún nu̱úna ña̱ kaʼviyó ti̱xin reunión, ta chindeétáʼan xíʼinna ña̱ ku̱ʼu̱nna, tá kúú kivi ku̱ʼún xa̱ʼa̱na. Tá ná ku̱ʼu̱nna reunión kusi̱íní-iniún xa̱ʼa̱ ña̱ chi̱kaa̱níún ndee̱ ña̱ chi̱ndeétáʼún xíʼinna (1Co 14:24, 25).

TÁNDI̱ʼI XI̱TONDÓ VIDEO ÑA̱ NANÍ NÁ CHINDEÉTÁʼANYÓ XÍʼIN NA̱ KÁʼVIYÓ XÍʼIN ÑA̱ KU̱ʼU̱NNA REUNIÓN, NDAKUIINDÓ PREGUNTA YÓʼO:

• 

  ¿Ama ni̱ka̱ʼa̱n ñá Rita xíʼin ñá Coral ña̱ ku̱ʼu̱nñá reunión xíʼinñá?

• 

  ¿Nda̱chun kúsi̱íní-iniyó tá xáʼa̱n na̱ sa̱kán sákuaʼa xa̱ʼa̱ Ndióxi̱ reunión?

• 

  ¿Ndáaña ndo̱ʼo ñá Coral tá ni̱xa̱ʼa̱nñá reunión?