“Yóʼo íyo yi̱ʼi̱, yi̱ʼi̱ chindaʼún ku̱ʼu̱n”

Ta̱ Isaías va̱ʼaní yichi̱ nda̱koora nu̱úyó ña̱ va̱ʼa kundiku̱nyóña. Ni̱na̱ʼa̱ra ña̱ ndixa kándíxara Ndióxi̱ chi ki̱tara ku̱a̱ʼa̱nra ni va̱ása xíni̱ra nda̱saa káa nu̱ú ku̱ʼu̱nra, ni saá ku̱a̱ʼa̱nvara (Isa 6:8). ¿Á va̱ʼa ndakanixi̱níún xíʼin na̱ veʼún ndáaña kivi keʼéndó ña̱ va̱ʼa ku̱ʼu̱nndó natúʼunndó xa̱ʼa Ndióxi̱? (Sl 110:3). Soo, xíniñúʼu viíní ndakanixi̱níndó xa̱ʼa ña̱yóʼo (Lu 14:27, 28). Sava yichi̱ xíniñúʼu ndakooyó ku̱a̱ʼá ña̱ʼayó ña̱ ku̱ʼu̱nyó natúʼunyó xa̱ʼa Ndióxi̱ (Mt 8:20; Mr 10:28-30). Nda̱a̱ tá náʼa̱ nu̱ú video Nos mudamos para ayudar en otro lugar, ku̱a̱ʼáka ña̱ va̱ʼa ndakiʼinyó nu̱úka ña̱ ndakooyó.

TÁNDI̱ʼI XI̱NINDÓ VIDEO NDAKUIINDÓ ÑA̱ VA̱XI YÓʼO:

• ¿Ndáaña ke̱ʼé na̱ familia Williams ña̱ va̱ʼa ku̱a̱ʼa̱nna natúʼunna xa̱ʼa Ndióxi̱ ñuu Ecuador?

• ¿Ndáaña siʼna ke̱ʼéna ña̱ va̱ʼa nda̱ka̱xinna ndáa ñuu ku̱ʼu̱nna?

• ¿Ndáaña va̱ʼa nda̱kiʼinna xa̱ʼa ña̱yóʼo?

• ¿Ndáa míí va̱ʼa kunda̱a̱-iniyó xa̱ʼa ñuu nu̱ú kúma̱níka na̱ natúʼun xa̱ʼa Ndióxi̱?

TÁ NÁ KAʼVINDÓ XÍʼIN NA̱ VEʼENDÓ NATÚʼUNNDÓ XA̱ʼA ÑA̱YÓʼO:

• ¿Ndáaña kivi keʼéyó xíʼin na̱ veʼeyó ña̱ va̱ʼa ku̱a̱ʼáka tiempo keeyó natúʼunyó xa̱ʼa Ndióxi̱? (km-S 8/11 pág. 4-6).

• Tá kǒo kivi ku̱ʼu̱nyó inka ñuu, ¿nda̱saa va̱ʼa chindeéyó na̱ congregaciónyó? (w16.03 pág. 23-25).