Kivi ku̱ʼún nu̱ú xíniñúʼukana yóʼó

Xíniñúʼu kandíxaníyó Ndióxi̱ ña̱ va̱ʼa sandákooyó ñuu nu̱ú íyoyó, tasaá ku̱ʼu̱nyó chindeétáʼanyó xíʼin inka congregación nu̱ú kúma̱ní na̱ natúʼun xa̱ʼa̱ Ndióxi̱ (Heb 11:8-10). Tá ña̱yóʼo kúú ña̱ kúni̱ún keʼún, ka̱ʼa̱n xíʼin na̱ anciano na̱ íyo ti̱xin congregación nu̱ú ndíka̱ún xa̱ʼa̱ña. ¿Ndáaña kivi keʼún ña̱ va̱ʼa kunda̱a̱-iniún á kuchiñún saxínún ña̱yóʼo, ta ndaka̱xin viíún nu̱ú ku̱ʼún? Nu̱ú tutu ña̱ tává na̱ ñuu Ndióxi̱ kivi nandukún ña̱ káʼa̱n xa̱ʼa̱ ña̱yóʼo, ta saátu kivi nda̱ka̱tu̱ʼún iin na̱ hermano na̱ xa̱a̱ ku̱a̱ʼa̱n koo inka ñuu ña̱ ná ka̱ʼa̱nna xíʼún ndáaña kéʼéna ña̱ va̱ʼa ndóona kán (Pr 15:22). Ka̱ʼa̱n xíʼin Jehová ña̱ ná kuniʼira yichi̱ nu̱ún (Snt 1:5). Ta saátu nda̱ka̱tu̱ʼun xa̱ʼa̱ ñuu nu̱ú kúni̱ún ku̱ʼún, ta xa̱a̱ ya̱chi̱ka kivi ku̱ʼún sava ki̱vi̱ ña̱ va̱ʼa kunda̱a̱-iniún ndáa ki̱ʼva káaña.

TÁNDI̱ʼI XI̱TONDÓ VIDEO ÑA̱ NANÍ XA̱ʼA̱ ÑA̱ KÁNDÍXAYÓ NDIÓXI̱ KIVI KACHÍÑU KU̱A̱ʼÁKAYÓ NU̱ÚRA: KIVI KU̱ʼU̱NNDÓ NU̱Ú XÍNIÑÚʼUKANA NDÓʼÓ, NDAKUIINDÓ PREGUNTA YÓʼO:

• ¿Ndáaña i̱xayo̱ʼvi̱ xíʼin ta̱ Gabriel, ta ndáaña chi̱ndeétáʼan xíʼinra?