Kusi̱í-iniún ndakiʼúnna

¿Ndáana ndakiʼinyó? Ndiʼi na̱ va̱xi reunión, kúúna na̱ va̱xi yichi̱ nu̱ú á na̱ xa̱a̱ naʼá kíxi (Ro 15:7; Heb 13:2). Sana va̱xi iin na̱ ñaniyó na̱ inka país á iin na̱ xa̱a̱ ku̱a̱ʼání ku̱i̱ya̱ va̱ása va̱xika reunión á na̱ va̱ása kéeka servicio. Ndakanixi̱níún tá miíún kúúna, ¿ndáaña ndoʼún? ¿Á su̱ví kusi̱íní-iniún tá vií ná ndakiʼinna yóʼó? (Mt 7:12). Xa̱ʼa ña̱yóʼo xíniñúʼu chika̱a̱yó ndée ña̱ chindeéyó na̱ ñaniyó tá kúma̱níka kixaʼá reunión xíʼin tá xa̱a̱ ndi̱ʼiña. Tá saá ná keʼéyó si̱íní kooyó (Mt 5:16). Soo sana va̱ása taxiña tiempoyó ña̱ chindeéyó ndiʼina. Soo tá ndiʼiyó ná chika̱a̱ ndée ña̱ chindeéyó na̱ va̱xi reunión va̱ʼaní kunina.a

Su̱ví kuití Conmemoración xíniñúʼu vií ndakiʼinyó na̱ yiví chi ndiʼiva yichi̱ xíniñúʼu vií ndakiʼinyóna. Tá ña̱ yichi̱ nu̱ú kúú ña̱ va̱xi sava na̱ yiví reunión ta xínina ña̱ kúʼvi̱-iniyó xíni táʼanyó sana kuni̱na ndasakáʼnuna Jehová ta ndakutáʼanna xíʼin na̱ ñuura (Jn 13:35).