ÑA̱ KÉʼÉYÓ NA̱ TESTIGO
¿Ndáaña keʼéyó ña̱ va̱ʼa kaʼviyó Biblia?
¿Á kúni̱ún nda̱kú koo iniún tá va̱xi prueba nu̱ún táki̱ʼva ni̱xi̱yo ta̱ Daniel? Ta̱ Daniel xi̱kaʼviníra tu̱ʼun Ndióxi̱, nda̱a̱ ña̱ i̱xayo̱ʼvi̱ xíʼinra na̱ndukúra xa̱ʼa (Da 9:2). ¿Nda̱saa kivi chindeé ña̱ kaʼviníún Biblia yóʼó ña̱ va̱ʼa nda̱kú koo iniún tá va̱xi tu̱ndóʼo nu̱ún? Chindeéña yóʼó ña̱ va̱ʼa kandíxakaún ña̱ xi̱nu ña̱ káʼa̱n Jehová (Jos 23:14). Kivitu xa̱ún kuʼvi̱-iniún kuniún Ndióxi̱ ta ña̱yóʼo chindeé yóʼó ña̱ va̱ʼa keʼún ña̱ kúni̱ra (Sl 97:10). Soo, ¿ndáa míí kixaʼún kaʼviún? Ndakanixi̱ní xa̱ʼa ña̱ va̱xi yóʼo.
¿Ndáaña va̱ʼa kaʼviún? Tá íyo iin ki̱vi̱ ña̱ káʼviún xíniñúʼu kaʼvitún tutu ña̱ xíniñúʼún reunión. Va̱ʼaníka sakuaʼún xíʼin texto ña̱ káʼviyó semana tá semana ti̱xin ña̱ reunión tá ná nandukún xa̱ʼa ña̱ kǒo kúnda̱a̱-iniún xíʼin. Savatuna káʼvina profecía ña̱ va̱xi nu̱ú Biblia, á ña̱ naní fruto del espíritu ña̱ káʼa̱n xa̱ʼa ña̱ va̱ʼa kúúmií Ndióxi̱, á ña̱ sakuaʼana xa̱ʼa ñuu nu̱ú ni̱xi̱ka ta̱ apóstol Pablo, á ña̱ sakuaʼana xa̱ʼa ña̱ʼa ña̱ i̱xava̱ʼa Jehová. Tá iin ki̱vi̱, íyo iin ña̱ kúni̱ún kunda̱a̱-iniún xa̱ʼa, kaʼyíña tasaá nandukún xa̱ʼaña.
¿Ndáa míí va̱ʼa ndaniʼún xa̱ʼaña? Nu̱ú video Ña̱ chindeé miíyó ña̱ va̱ʼaka kunda̱a̱-iniyó xíʼin Biblia, yóʼo káʼa̱nkaña ndáa míí va̱ʼa nandukún ña̱ kúni̱ún kunda̱a̱ka-iniún xa̱ʼa. Ña̱ va̱ʼa kunda̱a̱ka-iniún, nandukú xa̱ʼa ndáa ñuu kúú potencia mundial ña̱ káʼa̱n Daniel capítulo 7 xa̱ʼa, tá káʼa̱nña xa̱ʼa tí kití.
¿Nda̱saa tiempo xíniñúʼu kaʼviún? Ña̱ va̱ʼa ndakú koo iniún xíʼin Ndióxi̱ xíniñúʼu kaʼvi ni̱ʼún. Tá va̱ʼa túviún, loʼova kixaʼún kaʼviún tá xa̱a̱ kútóokaún saáví nda̱saku̱a̱ʼún tiempo ña̱ kaʼviún. Tá káʼviyó tu̱ʼun Ndióxi̱ táki̱ʼva íyo ña̱ nandukúyó oro saá íyoña, tá ná kixaʼún kunda̱a̱-iniún xa̱ʼaña ndeéka kuni̱ún kaʼviún (Pr 2:3-6). Kixaʼá kutóokaún kaʼviún Biblia, ta ná keʼún ña̱yóʼo kivi nduuña iin costumbre nu̱ún (1Pe 2:2).
¿NDÁAÑA KÚNI̱ KACHI DANIEL CAPÍTULO 7 TÁ KÁʼA̱NÑA XA̱ʼA TÍ KITÍ?
Da 7:4
Da 7:5
Da 7:6
Da 7:7
INKA ÑA̱ NDÁKA̱TU̱ʼUN:
¿Nda̱saa ni̱xi̱nu ña̱ káʼa̱n Daniel 7:8, 24?
ÑA̱ VA̱ʼA NANDUKÚKAYÓ XA̱ʼA:
¿Ndáaña kúni̱ kachi Revelación capítulo 13 tá káʼa̱nña xa̱ʼa tí kití?