Jehová chindeé yóʼó

¿Á yíʼviún natúʼun xa̱ʼa Ndióxi̱, á ña̱ ka̱ʼún ña̱ kúún testigo Jehová ti̱xin escuelaún? ¿Ndáaña kivi chindeé yóʼo ña̱ ndakú koo iniún ña̱ ka̱ʼún xa̱ʼa Jehová? (1Te 2:2). ¿Nda̱chun xíniñúʼu keʼún ña̱yóʼo? Tándi̱ʼi xi̱tondó video Jehová chindeé yóʼó, ndakuiin pregunta ña̱ va̱xi yóʼo:

1. 

   ¿Ndáana káʼa̱n Biblia xa̱ʼa kúú na̱ chi̱ndeé táʼan xíʼin ñá Sofía ña̱ ndakú koo iniñá?

2. Ña̱ sa̱kuaʼa ñá Sofía xíʼin siʼíñá veʼeñá, ¿nda̱saa chi̱ndeé ña̱yóʼo miíñá?

3. ¿Nda̱chun va̱ʼa ka̱ʼún xa̱ʼa Ndióxi̱ xíʼin na̱ va̱lí na̱ káʼvi xíʼún escuela?

4. ¿Ndáaña kivi sákuaʼa miíyó na̱ kǒo xáʼa̱nka escuela xíʼin ña̱ video yóʼo?