Sakuaʼaka ña̱ va̱ʼa sanáʼa̱kaún: Ka̱ʼa̱n xíʼinna xa̱ʼa Ndióxi̱ tá xa̱a̱ va̱ʼa loʼo xíniso̱ʼona

Ta̱ Jesús va̱ʼa na̱túʼunra xíʼin iin ñá samaritana xa̱ʼa Ndióxi̱ chi siʼna xa̱ʼa inka ña̱ʼa ki̱xaʼára ni̱ka̱ʼa̱nra xíʼinñá. ¿Nda̱saa ki̱vi̱ sakuaʼayó ña̱ ki̱xaʼáyó natúʼunyó xíʼin na̱ yiví na̱ va̱ása xíniyó?

• Vií koo iniún xíʼin na̱ yiví ta ka̱ʼa̱n xíʼinna. Ni xa̱a̱ ku̱naání ta̱ Jesús, ni saá na̱túʼunvara. ¿Nda̱saa i̱xaara ña̱ ke̱ʼéra ña̱yóʼo? Ti̱kui̱í kuití ndu̱kúra koʼora. Kivitu kixaʼún chindeé kuitíúna ta ka̱ʼún xíʼinna xa̱ʼa ña̱ kúu tiempo vitin. Ña̱ kúni̱yó kúúña kixaʼáyó natúʼunyó xíʼinna, ña̱kán xíniñúʼu ka̱ʼún xíʼinna xa̱ʼa iin ña̱ʼa ña̱ kivi chindeé táʼan xíʼinna ña̱ va̱ʼatu ka̱ʼa̱n na̱kán. Tá va̱ása xíni̱ va̱ʼana ndakuiinna ña̱ ndáka̱tu̱ʼúnna, kǒo ndi̱ʼi-iniún. Kivi kixaʼún ka̱ʼún xíʼin inkana. Ka̱ʼa̱n xíʼin Jehová ná taxira ña̱ ndakú koo iniún (Ne 2: 4; Hch 4:29).

• Koo tu̱ʼvaníún ña̱ va̱ʼa natúʼun xa̱ʼa Reino Ndióxi̱ xíʼin nda̱a̱ ndáaka na̱ yiví, soo kǒo kundi̱ʼi̱-iniún tá kǒona ndáni̱ʼún. Taxi ná ka̱ʼa̱n miína, ta kǒo ixandúxaún xíʼinna ña̱ ka̱ʼa̱nna, chi sana va̱ása va̱ʼa kunina ta va̱ása kandíxakana ka̱ʼa̱nna xíʼinyó. Va̱ása ndakava-iniún tá kǒo níkuchiñu ka̱ʼún xa̱ʼa Jehová xíʼinna. Tá íxayo̱ʼvi̱ña xíʼún kixaʼún natúʼún xa̱ʼa Ndióxi̱, kivi ki̱xaʼá kuitíún ka̱ʼún xíʼinna xa̱ʼa inka ña̱ʼa. [Chika̱a̱ video ña̱ nu̱ú ta ka̱ʼa̱n xa̱ʼaña xíʼinna].

• Ndukú ndáa ki̱ʼva natúʼun xíʼinna, kivi ka̱ʼún xíʼinna xa̱ʼa iin ña̱ kándíxayó tasaá kivi kixaʼána nda̱ka̱tu̱ʼunna yóʼó. Ña̱kán kúú ña̱ ke̱ʼé ta̱ Jesús: nda̱kanda̱-ini ñá samaritana xíʼin ña̱ ni̱ka̱ʼa̱nra xíʼinñá, tasaá ki̱xaʼáñá ndáka̱tu̱ʼunñá. Tá ki̱xaʼá ta̱ Jesús káʼa̱nra xa̱ʼa Reino xíʼinñá, pregunta ña̱ ke̱ʼéra xíʼinñá kúú ña̱ ki̱xaʼára nda̱kuiinra. [Chika̱a̱ video ña̱ u̱vi̱ ta ka̱ʼa̱n xa̱ʼaña xíʼinna. Ta saátu keʼún xíʼin video ña̱ u̱ni̱].