Xíʼin ña̱ si̱í-ini ná katayó nu̱ú Jehová tá ndásakáʼnuyóra

Ta̱ Pablo xíʼin ta̱ Silas xi̱tana yaa nu̱ú Jehová tá xi̱ñuʼuna veʼeka̱a (Hch 16:25). Ña̱yóʼo chi̱ndeétáʼanníña xíʼinna ña̱ koo ndakú-inina. ¿Ta miítuyó? Yaa ña̱ xítayó ti̱xin veʼe nu̱ú ndátakayó xíʼin inkaka ña̱ va̱xi ti̱xin sitio ña̱ Internet jw.org, kivi taxiña ndée ndaʼa̱yó ña̱ va̱ʼa koo ndakú-iniyó tá yáʼayó nu̱ú tu̱ndóʼo. Ta xíʼin ña̱yóʼo ndásakáʼnuyó Jehová (Sl 28:7). Na̱ ñuu Ndióxi̱ káʼa̱nna xíʼinyó ña̱ ná sakuaʼayó sava ña̱ yaa yóʼo. ¿Á xa̱a̱ kéʼé miíún ña̱yóʼo? Kivi katandó ña̱ yaa yóʼo tá káʼvindó xíʼin na̱ veʼendó ña̱ va̱ʼa sakuaʼandóña.

TÁNDI̱ʼI XI̱TONDÓ VIDEO NA̱ VA̱LÍ NDÁSAKÁʼNUNA JEHOVÁ XÍʼIN YAA, NDAKUIINNDÓ PREGUNTA YÓʼO:

• 

  ¿Ndáaña va̱ʼa ndákiʼinyó tá xítayó yaa xa̱ʼa Reino Ndióxi̱?

• 

  ¿Ndáaña kéʼé na̱ káchíñu ti̱xin ña̱ Audio xíʼin Video tá kúma̱níka keʼéna iin grabación?

• 

  ¿Ndáaña kéʼé na̱ va̱lí na̱ xíta ta saátu na̱ veʼena tá kúma̱níka keʼéna iin grabación?

• 

  ¿Ndáa yaa ña̱ káʼa̱n xa̱ʼa Reino Ndióxi̱ kúú ña̱ kútóokaún, ta nda̱chun?