Ndáa ki̱ʼva kivi ka’viyó

Sákuaʼa xíʼin xi̱níún ndiʼi “yaa ña̱ tává na̱ ñuu Ndióxi̱”

“Tá kúsuchíní-inii̱, Jehová sándi̱kora-inii̱ xíʼin yaa ña̱ va̱xi nu̱ú JW Broadcasting^®” (Lorraine, Estados Unidos).

Na̱ testigo Jehová ndiʼi tiempo xítana yaa ña̱ tává na̱ ñuura ña̱ va̱ʼa ndasakáʼnunara (Col. 3:16). Tá ná sakúaʼa xíʼin xi̱níún yaa yóʼo, va̱ʼaní chindeétáʼanña xíʼún ni kǒo kúúmiíún cancionero á iin celular ña̱ kataúnña. Yóʼo kivi kotoún ña̱ chindeétáʼan xíʼún tasaá sákuaʼa xíʼin xi̱níún yaa yóʼo.

• Tavá tiempo ña̱ kaʼviún letra ña̱ va̱xi nu̱ú yaa yóʼo ta kunda̱a̱-iniún xíʼinñá. Tá kúnda̱a̱-iniyó xíʼin iin ña̱ʼa, va̱ʼaníka ndákaʼányó xa̱ʼa̱ña. Nu̱ú jw.org kivi ndani̱ʼíyó letra ña̱ kúúmií yaa yóʼo, tá kúú yaa ña̱ va̱xi nu̱ú JW Broadcasting xíʼin yaa ña̱ xíta na̱ va̱lí. Ña̱ va̱ʼa ndani̱ʼúnña ki̱ʼvi nu̱ú káʼa̱nña “Nu̱ú ñúʼu ndiʼiña” tándi̱ʼi ki̱ʼvi nu̱ú káʼa̱nña “Yaa”.

• Kaʼyi letra ña̱ yaa yóʼo nu̱ú iin tutu. Ña̱yóʼo chindeétáʼanña xíʼún ña̱ sakúaʼa xíʼin xi̱níún yaa yóʼo (Deut. 17:18).

• Tá xítaún iin yaa ndeé va̱ʼa kataúnña. Kaʼvi letra ña̱ kúúmií yaa yóʼo ta ku̱a̱ʼá yichi̱ kataúnña.

• Koto á ndixa xa̱a̱ sa̱kúaʼa xíʼin xi̱níúnña. Chikaa̱ ndee̱ ña̱ ndakaʼún xa̱ʼa̱ yaa yóʼo soo va̱ása kotoún nu̱ú tutu, tándi̱ʼi kotoún á ku̱chiñún ke̱ʼún ña̱yóʼo.