Chika̱a̱ ndee̱ ña̱ ndakiʼún ña̱ sánáʼa̱ Ndióxi̱

¿NDA̱CHUN XÍNIÑÚʼU KEʼÉYÓÑA? Jehová, kúú iin ta̱ va̱ʼaní sánáʼa̱ miíyó nu̱ú ña̱ sánáʼa̱ na̱ yiví. Sánáʼa̱ra miíyó nda̱saa viíní kundooyó xíʼin na̱ veʼeyó, ta sánáʼa̱ra miíyó ña̱ ndakiʼinyó ña̱ ndátuyó chí nu̱únínu ña̱ ni̱ka̱ʼa̱nra taxira ndaʼa̱yó, ta kǒo xu̱ʼún kíʼinra xa̱ʼa̱ ña̱ sánáʼa̱ra miíyó (Isa 11:6-9; 30:20, 21; Rev 22:17). Saátu sánáʼa̱ Jehová miíyó ña̱ ku̱ʼu̱nyó natúʼunyó tu̱ʼunra xíʼin inka na̱ yiví, ta ña̱yóʼo kivi sáka̱kuña miína (2Co 3:5).

¿NDÁA KI̱ʼVA KEʼÉYÓÑA?

• Ña̱ chika̱a̱yó ndee̱ ña̱ vitá koo-iniyó ta va̱ása ni̱nu koo-iniyó (Sl 25:8, 9).

• Ña̱ ndakiʼinyó ndiʼi ña̱ sánáʼa̱na miíyó, tá kúú ña̱ sákuaʼayó ña̱ ku̱a̱ʼa̱nyó reunión ña̱ íyo ma̱ʼñú semana.

• Ña̱ keʼékayó chiñu nu̱ú Ndióxi̱ (Flp 3:13).

• Ña̱ chika̱a̱yó ndee̱ ña̱ va̱ʼa sanáʼa̱kana miíyó (Flp 3:8).

TÁNDI̱ʼI XI̱TONDÓ VIDEO KU̱A̱ʼÁNÍ ÑA̱ VA̱ʼA NDÁKIʼINYÓ XA̱ʼA̱ ÑA̱ SÁNÁʼA̱ JEHOVÁ MIÍYÓ TA NDAKUIIN PREGUNTA YÓʼO:

• ¿Ndáa tu̱ndóʼo ni̱ya̱ʼa sava na̱ publicador ña̱ va̱ʼa ku̱ʼu̱nna ña̱ Escuela nu̱ú Sákuaʼa na̱ Nátúʼun xa̱ʼa̱ ña̱ Kaʼndachíñu Ndióxi̱?

• ¿Ndáaña sánáʼa̱na Escuela nu̱ú Sákuaʼa na̱ Nátúʼun xa̱ʼa̱ ña̱ Kaʼndachíñu Ndióxi̱?

• ¿Ndáaña kéʼé sava na̱ hermano ña̱ va̱ʼa chindeétáʼanna xíʼin na̱ sa̱ndíʼi ka̱ʼvi escuela yóʼo ña̱ va̱ʼa ka̱anna ñuu nu̱ú chíndaʼánana ku̱a̱ʼa̱nna?

• ¿Ndáaña xíniñúʼu keʼéna ña̱ va̱ʼa ku̱ʼu̱nna Escuela nu̱ú Sákuaʼa na̱ Nátúʼun xa̱ʼa̱ ña̱ Kaʼndachíñu Ndióxi̱? (kr-S 189).

• ¿Ndáa inkaka escuela na̱ ñuu Ndióxi̱ kivi ku̱ʼún?