¿Á kúsi̱í-iniún ku̱ʼu̱n Escuela nu̱ú Sákuaʼa na̱ Nátúʼun xa̱ʼa̱ ña̱ Kaʼndachíñu Ndióxi̱?

Tá kúúmiíún 23 á nda̱a̱ 65 ku̱i̱ya̱, ta xa̱a̱ kúún precursor, ta kǒo kue̱ʼe̱ kúúmiíún ta kúni̱ún ku̱ʼún nu̱ú íxama̱ní na̱ natúʼun xa̱ʼa̱ Ndióxi̱, kivi sandákutún solicitud ña̱ va̱ʼa ku̱ʼún ña̱ Escuela nu̱ú Sákuaʼa na̱ Nátúʼun xa̱ʼa̱ ña̱ Kaʼndachíñu Ndióxi̱. Nda̱a̱ tá ki̱xáʼa íyo ña̱ escuela yóʼo ku̱a̱ʼání na̱ hermano na̱ xa̱a̱ ti̱ndaʼa̱ ta saátu na̱ kúa̱an, xa̱a̱ ndátaxina solicitud ña̱ va̱ʼa ku̱ʼu̱nna ña̱ escuela yóʼo. Soo ta̱a ta̱ kúa̱an kúú ta̱ xíniñúʼuníkana ti̱xin ña̱ escuela yóʼo. Ka̱ʼa̱n xíʼin Jehová ña̱ ná chindeétáʼanra xíʼún ña̱ kuni̱ka̱ún kachíñún nu̱úra nda̱a̱ táki̱ʼva ke̱ʼé se̱ʼera ta̱ Jesús (Sl 40:8; Mt 20:28; Heb 10:7). Kivi kixáʼa kúeún ndakanixi̱níún ndáaña keʼún ña̱ va̱ʼa ku̱ʼún ña̱ escuela yóʼo.

¿Ndáaña kéʼé na̱ hermano na̱ xa̱a̱ xáʼa̱n ña̱ escuela yóʼo? Savana chíndaʼánana nu̱ú káʼa̱nna inka tu̱ʼun ta savana chíndaʼánana ña̱ ku̱ʼu̱nna natúʼunna nu̱ú xíka ku̱a̱ʼá na̱ yiví. Tá yáʼa tiempo sava na̱yóʼo xáa̱na kúuna superintendente ña̱ circuito á superintendente ña̱ circuito sustituto. Ndakanixi̱ní ndáaka ña̱ kivi keʼún nu̱ú Jehová, ta kundiku̱n ejemplo ta̱ Isaías ta̱ ni̱ka̱ʼa̱n: “Yóʼo íyo yi̱ʼi̱, yi̱ʼi̱ chindaʼún ku̱ʼu̱n” (Is 6:8).

TÁNDI̱ʼI XI̱TONDÓ VIDEO NA̱ MISIONERO XÍKANA NÁTÚʼUNNA XA̱ʼA̱ NDIÓXI̱: CHÍNDEÉTÁʼANNA XÍʼIN NA̱ YIVÍ ÑA̱ SÁKUAʼANA XA̱ʼA̱ NDIÓXI̱, NDAKUIINNDÓ PREGUNTA YÓʼO:

• 

  ¿Ndáa ki̱ʼva ndáka̱xinna na̱ misionero na̱ ku̱a̱ʼa̱n nátúʼun xíʼin na̱ yiví?

• 

  ¿Ndáa chiñu ña̱ va̱ʼaní kúú ña̱ kéʼé na̱ misionero yóʼo?

• 

  ¿Ndáa bendición kúú ña̱ ndákiʼin na̱ misionero?