ÑA̱ KÉʼÉYÓ NA̱ TESTIGO

Va̱ása nándósó Ndióxi̱ xa̱ʼa̱ ña̱ va̱ʼa kéʼéyó nu̱úra

Xa̱ʼa̱ ña̱ ndásakáʼnuyó Jehová, ndiʼiyó kivi ndakaʼányó xa̱ʼa̱ ña̱ va̱ʼa ña̱ kéʼéyó nu̱úra. Táki̱ʼva íyo iin yivá ta̱ va̱ʼaní-ini ndákaʼánra xa̱ʼa̱ ndiʼi ña̱ʼa va̱ʼa ña̱ kéʼé se̱ʼera, saá íyo Jehová ndákaʼánra xa̱ʼa̱ ndiʼi chiñu ña̱ va̱ʼa kéʼéyó nu̱úra xíʼin xa̱ʼa̱ ña̱ kúʼvi̱ní-iniyó xíniyó ki̱vi̱ra (Mt 6:20; Heb 6:10). Su̱ví ndiʼiyó inkáchi íyo ña̱ xíni̱yó keʼéyó á ña̱ ndákanixi̱níyó chi xa̱a̱ síín íyo iin iinyó. Soo tá chíka̱a̱yó ndee̱ ña̱ kachíñuyó nu̱ú Jehová saá kúúña si̱íní xa̱a̱yó kooyó (Gál 6:4; Col 3:23). Xa̱a̱ ku̱a̱ʼání tiempo ku̱a̱ʼání kúú na̱ hermano na̱ káchíñu Betel. ¿Á kivi chika̱a̱ún ndee̱ ña̱ kachíñún Betel? Tá ki̱ví túviún, ¿á kivi chika̱a̱ún ndee̱ xíʼin inkana ña̱ keʼéna chiñu yóʼo á kuchiñutu chindeún iin familia ña̱ va̱ʼa kachíñuna Betel?

TÁNDI̱ʼI XI̱TONDÓ VIDEO ¿NDÁAÑA XÍNIÑÚʼU KEʼÚN ÑA̱ VA̱ʼA KACHÍÑÚN BETEL?, NDAKUIINNDÓ ÑA̱ PREGUNTA YÓʼO:

¿Ndáaña chíka̱a̱ ndee̱ xíʼinyó ña̱ va̱ʼa kachíñuyó Betel?
¿Ndáa ña̱ káʼa̱n sava na̱ hermano xa̱ʼa̱ bendición ña̱ ndákiʼinna xa̱ʼa̱ ña̱ káchíñuna Betel?
¿Ndáaña xíniñúʼu keʼé iinna tá kúni̱na kachíñuna Betel?
¿Ndáaña xíniñúʼu keʼún tá kúni̱ún kachíñún Betel?

U̱ni̱ na̱ hermano káchíñuna nu̱ú iin computadora. Iin ta̱ hermano táanra tutu ini caja. Iin ta̱ hermano káchíñura chiñu ña̱ carpintería

Ña̱ xíniñúʼu keʼé na̱ kúni̱ kachíñu Betel:

Ña̱ kuʼvi̱-inina kunina Jehová xíʼin na̱ ñuura.
Va̱ʼaní na̱ yiví xíniñúʼu koona ta va̱ʼaní koo ña̱ xínitúni̱na nu̱ú Jehová.
Viíní koo ti̱ko̱to̱ ña̱ kundixina xíʼin ki̱ʼvaní ndasavií xíʼin miína nda̱a̱ táki̱ʼva kúni̱ Ndióxi̱.
Viíní ndaka̱xinna ña̱ kusíkína á ña̱ kotonde̱ʼéna á ña̱ keʼéna nda̱a̱ táki̱ʼva kúni̱ Ndióxi̱.
Xíniñúʼu kuumiína 19 á 35 ku̱i̱ya̱.
Va̱ása kuumiína kue̱ʼe̱, vií ndakanixi̱nína ta kuchiñuna xíʼin nda̱a̱ ndáaka ña̱ ná kixi nu̱úna.
Kuxini̱na kaʼvina, kaʼyína xíʼin ka̱ʼa̱nna tu̱ʼun ña̱ káʼa̱nna Betel ña̱ íyo ñuu nu̱ú ndóona.
Kundeé-inina ña̱ kundika̱a̱na iin ku̱i̱ya̱ ña̱ Betel.