Ndóʼó na̱ íyo se̱ʼe, sanáʼa̱ndó na̱ va̱lí se̱ʼendó ña̱ ná koo tu̱ʼvana

Ndóoyó iin ñuyǐví nu̱ú íyo na̱ yiví na̱ ndákanixi̱ní ña̱ va̱ʼa kúú ña̱ va̱ása va̱ʼa ta ña̱ va̱ása va̱ʼa kúú ña̱ va̱ʼa nu̱úna (Is 5:20). Ta ku̱a̱ʼání na̱ yiví kéʼéna ña̱ʼa ña̱ sáa̱-ini Jehová xínira, tá kúú ña̱ kútóo táʼan ta̱a á ña̱ kútóo táʼan ná ñaʼá. Ña̱kán, na̱ káʼvi xíʼin na̱ va̱lí se̱ʼeyó escuela kivi chika̱a̱na níma̱ na̱ va̱lí se̱ʼeyó ña̱ keʼéna ña̱ kini. Ndóʼó na̱ íyo se̱ʼe, ¿ndáa ki̱ʼva sanáʼa̱ndó na̱ va̱lí se̱ʼendó ña̱ va̱ása keʼéna táʼan ña̱ kéʼé na̱ ñuyǐví yóʼo?

Sanáʼa̱ndóna ña̱ ná kundiku̱nna nda̱yí Jehová (Le 18:3). Nda̱a̱ tá válína sanáʼa̱ndóna ña̱ káʼa̱n Biblia xa̱ʼa̱ ña̱ kísi̱ na̱ yiví xíʼin táʼanna (Dt 6:7). Nda̱ka̱tu̱ʼún xíʼin miíndó: “¿Á sánáʼi̱ na̱ va̱lí se̱ʼi̱ ndáaña xíniñúʼu keʼéna? ¿Á sánáʼi̱na ña̱ ndáyáʼviní vií kundixina? ¿Á sánáʼi̱ na̱ va̱lí se̱ʼi̱ ña̱ ndáyáʼviní ixato̱ʼó na̱ yiví na̱yóʼo? Ta, ¿á xa̱a̱ kúnda̱a̱-ini na̱ va̱lí se̱ʼi̱ ndáaña keʼéna tá iin na̱ yiví sánáʼa̱na nu̱ú kée na̱ kéʼé ña̱ kini nu̱ú na̱yóʼo á tá ná ka̱ʼa̱nna xíʼinna keʼéna iin ña̱ kini?”. Tá na̱ va̱lí yóʼo xa̱a̱ xíni̱na xa̱ʼa̱ ndiʼi ña̱yóʼo, kǒo tu̱ndóʼo kixi nu̱úna (Pr 27:12; Ec 7:12). Ña̱ sanáʼa̱yó na̱ va̱lí se̱ʼeyó saá kúú ña̱ náʼa̱yó ña̱ chíndayáʼviyó herencia ña̱ ta̱xi Jehová ndaʼa̱yó (Sl 127:3).

TÁNDI̱ʼI XI̱TONDÓ VIDEO ÑA̱ NANÍ NÁ CHINDEÉYÓ NA̱ VEʼEYÓ ÑA̱ NDAKÚ KOO ININA. NÁ KUNDAAYÓ SE̱ʼEYÓ NU̱Ú NDIʼI ÑA̱ VA̱ÁSA VA̱ʼA, NDAKUIINNDÓ PREGUNTA YÓʼO:

• 

  ¿Nda̱chun íxayo̱ʼvi̱ña xíʼin sava na̱ íyo se̱ʼe ña̱ ka̱ʼa̱nna xíʼin na̱yóʼo xa̱ʼa̱ ña̱ kísi̱ na̱ yiví xíʼin táʼanna?

• 

  Tá kúú na̱ íyo se̱ʼe, ¿nda̱chun xíniñúʼu sákuaʼnuna se̱ʼena xíʼin consejo ña̱ táxi Jehová? (Ef 6:4).

• 

  ¿Ndáa ña̱ʼa kúú ña̱ táxi na̱ ñuu Jehová ndaʼa̱ na̱ íyo se̱ʼe ña̱ va̱ʼa sanáʼa̱na se̱ʼena? (w19.05 12).

• ¿Nda̱chun ndáyáʼviní ya̱chi̱ka ka̱ʼa̱n na̱ íyo se̱ʼe xíʼin na̱ va̱lí se̱ʼena tá kúma̱níka kixi tu̱ndóʼo nu̱ú na̱yóʼo?