Ña̱ʼa ña̱ i̱xava̱ʼa Jehová náʼa̱ña ña̱ kúʼvi̱ní-inira xínira miíyó. Ña̱kán kándíxayó ña̱ kúni̱níra taxira bendición ndaʼa̱yó xa̱ʼa̱ ña̱ chíka̱a̱níyó ndee̱ ña̱ kachíñuyó nu̱úra.
ÑA̱ KÉʼÉYÓ NA̱ TESTIGO
Ña̱ i̱xava̱ʼa Ndióxi̱ náʼa̱ña nu̱úyó ña̱ kúʼvi̱-inira xínira miíyó
Íyo ku̱a̱ʼání ña̱ʼa ña̱ ndíʼi̱-iniyó xa̱ʼa̱, ta va̱ása kíʼinyó kuenta xíʼin ña̱ʼa ña̱ i̱xava̱ʼa Ndióxi̱, ña̱ náʼa̱ ña̱ kúʼvi̱ní-inira xínira miíyó ta va̱ʼaní inira. Xa̱ʼa̱ ña̱kán, ta̱ Jesús káʼa̱nra xíʼinyó ña̱ ná kotoyó ña̱ʼa ña̱ i̱xava̱ʼa Jehová ta ndakanixi̱níyó ndáaña sánáʼa̱ Jehová miíyó xíʼin ña̱yóʼo (Mt 6:25, 26).
TÁNDI̱ʼI XI̱TONDÓ VIDEO ÑA̱ NANÍ ÑA̱ I̱XAVA̱ʼA JEHOVÁ NÁʼA̱ÑA NU̱ÚYÓ ÑA̱ KÚʼVI̱-INIRA XÍNIRA MIÍYÓ, NDAKUIINNDÓ PREGUNTA YÓʼO:
¿Ndáa ki̱ʼva náʼa̱ ña̱ʼa yóʼo ña̱ kúʼvi̱ní-ini Jehová xínira miíyó?
Ña̱ʼa ña̱ na̱kuva̱ʼa ñuʼú yóʼo
Ña̱ atmósfera
Ña̱ ku̱ʼu̱
Ki̱ʼva ña̱ na̱kuva̱ʼa kití
Ña̱ kéʼé ndaʼa̱yó, so̱ʼoyó, nduchúnu̱úyó, si̱ti̱nyó xíʼin yuʼúyó
Ña̱ cerebro