Taxi ná chindeétáʼan na̱ hermano xíʼún

Jehová xíniñúʼura ndiʼi na̱ hermanoyó ña̱ va̱ʼa chindeétáʼanra xíʼinyó (1Pe 5:9). Na̱yóʼo chíndeétáʼanna xíʼinyó tá íyo ña̱ íxayo̱ʼvi̱ xíʼinyó tá ku̱a̱ʼa̱nyó natúʼunyó xíʼin na̱ yiví xa̱ʼa̱ Ndióxi̱. Nda̱a̱ táki̱ʼva ndo̱ʼo ta̱ apóstol Pablo saáchi ku̱a̱ʼání na̱ hermano chi̱ndeétáʼan xíʼinra, tá kúú ta̱ Áquila, ñá Priscila, ta̱ Silas xíʼin ta̱ Timoteo (Hch 18:1-5).

¿Ndáa ki̱ʼva chindeétáʼan inka na̱ hermano xíʼún? Na̱yóʼo kivi taxina consejo ndaʼún ña̱ va̱ʼa ndakuiún yuʼú iin na̱ yiví ti̱xin predicación á ña̱ va̱ʼa ndikóún kotoún iin na̱ yiví na̱ va̱ʼaní xi̱niso̱ʼo, ta saátu ña̱ va̱ʼa kixáʼún kaʼviún xíʼin iin na̱ yiví xa̱ʼa̱ tu̱ʼun Ndióxi̱. Ndakanixi̱ní xa̱ʼa̱ iin na̱ hermano na̱ íyo ti̱xin congregación na̱ kivi chindeétáʼan xíʼún ña̱ viíka sanáʼún, ta ka̱ʼa̱n xíʼinna ná chindeétáʼanna xíʼún. U̱vi̱ saándó ku̱a̱ʼání ña̱ va̱ʼa ndakiʼinndó saáchi chika̱a̱ndó ndee̱ xíʼin táʼanndó (Flp 1:25).

TÁNDI̱ʼI XI̱TONDÓ VIDEO ÑA̱ NANÍ KÚSI̱ÍNÍ-INIYÓ TÁ NÁTÚʼUNYÓ XÍʼIN NA̱ YIVÍ. NÁ TAXIYÓ CHINDEÉTÁʼAN JEHOVÁ XÍʼINYÓ: NA̱ HERMANOYÓ, NDAKUIINNDÓ PREGUNTA YÓʼO:

• 

  ¿Ndáa ki̱ʼva chi̱ndeétáʼan ñá Rita xíʼin ñá Coral ña̱ va̱ʼa ku̱ʼu̱nñá reunión?

• 

  ¿Nda̱chun xíniñúʼu ku̱ʼu̱n inka na̱ hermano xíʼinyó tá ku̱a̱ʼa̱nyó kaʼviyó xíʼin iin na̱ yiví?

• 

  ¿Ndáa ki̱ʼva kítáʼan ña̱ kútóo ñá Coral xíʼin ña̱ kútóo ñá hermana ñá xa̱a̱ chée?

• ¿Ndáaña kivi sakuaʼún xíʼin ña̱ kéʼé inka na̱ hermano?