Chindeétáʼan xíʼin na̱ káʼviún xíʼin ña̱ sandákoona keʼéna ña̱ va̱ása va̱ʼa

Na̱ káʼviyó xíʼin xíniñúʼu xa̱a̱na sandákoona ña̱ va̱ása va̱ʼa kéʼéna, tasaá kivi xa̱a̱na kutáʼan viína xíʼin Jehová (1Pe 1:14-16). Tá ná sandákoonaña, sana si̱íka koona xíʼin na̱ veʼena á sana va̱ása kiʼinníka kue̱ʼe̱ miína, ta saátu nda̱a̱ kooka xu̱ʼúnna saáchi viíka kuniñúʼunaña.

Va̱ása yi̱ʼvíún ka̱ʼún xíʼinna ndáaña kúni̱ Jehová ná keʼéna, ta ndáaña va̱ʼa ndakiʼinna tá ná keʼénaña. Chindeétáʼan xíʼinna ña̱ ná nasamana ña̱ ndákanixi̱nína, tasaá kixáʼa miívana nasamana ña̱ kéʼéna (Ef 4:22-24). Ka̱ʼa̱n xíʼinna ña̱ chindeétáʼanva Jehová xíʼinna ña̱ sandákoona keʼéna ña̱ va̱ása va̱ʼa, ni xa̱a̱ ku̱a̱ʼání ku̱i̱ya̱ kéʼénaña (Flp 4:13). Sanáʼa̱na ña̱ kama ná ka̱ʼa̱nna xíʼin Jehová tá íyo iin ña̱ va̱ása va̱ʼa kúni̱na keʼéna. Chindeétáʼan xíʼinna ná ndakunina ndáa ña̱ʼa kúú ña̱ kivi chindaʼá miína keʼéna ña̱ʼa ña̱ va̱ása va̱ʼa, ta ka̱ʼa̱n xíʼinna ña̱ ná keʼéna ña̱ʼa ña̱ ndixa chindeétáʼan xíʼinna. Tá ná kuniún ña̱ ki̱xáʼana násamana ña̱ kéʼéna, kusi̱íní-iniún.

TÁNDI̱ʼI XI̱TONDÓ VIDEO ÑA̱ NANÍ NÁ CHINDEÉTÁʼANYÓ XÍʼIN NA̱ KÁʼVIYÓ XÍʼIN ÑA̱ SANDÁKOONA KEʼÉNA ÑA̱ VA̱ÁSA KÚTÓO JEHOVÁ, NDAKUIINNDÓ PREGUNTA YÓʼO:

• 

  ¿Ndáaña ke̱ʼé na̱ anciano ta saátu ñá Rita tá ni̱ka̱ʼa̱n ñá Coral ña̱ xíniñúʼuñá marihuana?

• 

  ¿Ndáaña ke̱ʼé ñá Rita ña̱ va̱ʼa chi̱ndeétáʼanñá xíʼin ñá Coral?

• 

  ¿Ndáaña ke̱ʼé ñá Coral ña̱ va̱ʼa chindeétáʼan Jehová xíʼinñá?