Ña̱ i̱xava̱ʼa Jehová chíndeétáʼanña xíʼinyó ña̱ kandíxakayóra

¿Á ndixa iinlá Jehová kúú ta̱ va̱ʼaníka kuniʼi yichi̱ nu̱úyó? Iinlá ta̱kán kúúvara. Tá kándíxayó ña̱yóʼo, saá kúú ña̱ na̱ʼa̱yó ña̱ ndíchi íyoyó ta táxiyó kuniʼira yichi̱ nu̱úyó (Pr 16:3, 9). Soo sana ixayo̱ʼvi̱ña xíʼinyó kundiku̱nyó consejora tá túviyó ña̱ va̱ása chindeétáʼanví ña̱yóʼo xíʼinyó. Soo tá ná ndakanixi̱níyó xa̱ʼa̱ ña̱ i̱xava̱ʼa Jehová, kiviva kandíxayó ña̱ ndíchiníra (Pr 30:24, 25; Ro 1:20).

TÁNDI̱ʼI XI̱TONDÓ VIDEO ÑA̱ NANÍ ¿Á ÍYO IIN NA̱ I̱XAVA̱ʼAÑA? ¿NDA̱CHUN VA̱ÁSA NDÁKUTÚ TÍ TI̱O̱KÓ YICHI̱ NU̱Ú XÍKARÍ?, NDAKUIINNDÓ PREGUNTA YÓʼO:

• ¿Ndáaña kéʼé tí ti̱o̱kó ndiʼi ki̱vi̱?

• ¿Ndáaña kéʼérí ña̱ va̱ása ndákutúrí yichi̱ nu̱ú xíkarí?

• ¿Ndáaña kivi sakúaʼayó xíʼin ña̱ kéʼérí?

TÁNDI̱ʼI XI̱TONDÓ VIDEO ÑA̱ NANÍ ¿Á ÍYO IIN NA̱ I̱XAVA̱ʼAÑA? KI̱ʼVA ÑA̱ NDÁCHÍ TÍ TI̱MII, NDAKUIINNDÓ PREGUNTA YÓʼO:

• ¿Nda̱chun yo̱ʼvi̱ní ña̱ sandáchina iin avión tú loʼoní?

• ¿Nda̱chun va̱ʼa ndáchi tí ti̱mii ni káni ta̱chí?

• ¿Ndáaña sákuaʼa na̱ científico xíʼin ki̱ʼva ña̱ ndáchi tí ti̱mii yóʼo?

Tá xitoún ña̱ʼa ña̱ i̱xava̱ʼa Jehová, ¿ndáaña sánáʼa̱ña yóʼó xa̱ʼa̱ra?