Na̱ va̱lí, natúʼunndó xa̱ʼa̱ ña̱ ndóʼondó xíʼin na̱ yivándó

¿Nda̱chun xíniñúʼu natúʼún xíʼin na̱ yiváún xa̱ʼa̱ ña̱ ndákanixi̱níún? (Pr 23:26). Saáchi Jehová kúú ta̱ ta̱xi chiñu ndaʼa̱na ña̱ kundaana yóʼó ta chindeétáʼanna xíʼún (Sl 127:3, 4). Tá va̱ása káʼún xíʼinna xa̱ʼa̱ ndiʼi ña̱ sándi̱ʼi̱-iniún á xa̱ʼa̱ ña̱ kúni̱ún keʼún, ixayo̱ʼvi̱níña xíʼinna chindeétáʼanna xíʼún. Ta va̱ása kivi sakúaʼún xíʼin ña̱ xa̱a̱ xíni̱na keʼéna. Soo, ¿á xíniñúʼu natúʼún xíʼin na̱ yiváún xa̱ʼa̱ ndiʼiví ña̱ʼa? Va̱ásaví, soo tá ke̱ʼún iin ña̱ va̱ása va̱ʼa, xíniñúʼu natúʼún xíʼinna xa̱ʼa̱ña (Pr 3:32).

¿Ndáaña kivi keʼún ña̱ va̱ʼa natúʼún xíʼin na̱ yiváún? Koto ama kúú ña̱ íyo tiempo nu̱úndó ña̱ va̱ʼa natúʼunndó. Tá va̱ása kívi keʼún ña̱yóʼo kaʼyí iin carta taxiún ndaʼa̱na, ta nu̱ú ña̱yóʼo natúʼún xíʼinna xa̱ʼa̱ ndiʼi ña̱ ndóʼún. Tá sava yichi̱ kúni̱ na̱ yiváún natúʼunna xíʼún, soo miíún va̱ása kúni̱ún natúʼún xíʼinna. ¿Ndáaña kivi keʼún? Ndakaʼún ña̱ kúni̱na chindeétáʼanna xíʼún. Su̱ví contraún kúú na̱ yiváún chi migovaún kúúna. Tá ná chika̱ún ndee̱ ña̱ natúʼún xíʼinna xa̱ʼa̱ ndiʼi ña̱ ndóʼún, ña̱yóʼo chindeétáʼanña xíʼún ndiʼi tiempo ña̱ kutakún (Pr 4:10-12).

TÁNDI̱ʼI XI̱TONDÓ VIDEO ÑA̱ NANÍ TÁ LOʼÚN: ¿NDÁA KI̱ʼVA KA̱ʼÚN XÍʼIN NA̱ YIVÁÚN?, NDAKUIINDÓ PREGUNTA YÓʼO:

• 

  ¿Ndáaña xi̱keʼé ñá Esther ta saátu ta̱ Partik?

• 

  ¿Ndáaña kivi sakúaʼún xíʼin ña̱ ke̱ʼé ta̱ Jesús?

• 

  ¿Ndáa ki̱ʼva náʼa̱ na̱ yiváún ña̱ kúʼvi̱-inina xínina yóʼó?

• 

  ¿Ndáa texto ña̱ va̱xi nu̱ú Biblia kivi chindeétáʼan xíʼún ka̱ʼún xíʼin na̱ yiváún?